說智能手機改變大家的生活習慣，相信沒有人會表示反對，觀望從前人們坐車時，可能只是看書或聽歌望風景，但當智能手機普及後，全城皆見低頭族，位位手機不離手。最近有巴打出 post 分享他眼中的智能手機普及經歷，就是「於 2009 年咁上下開始普及，到咗 iPhone 3G 開始出現，就個個都買」。他也提到整個智能手機普及過程只是需時 2 至 3 年，頓感普及程度快得超乎想像。
【相關報道】
【相關報道】
雖然有網民不同意樓主覺得智能手機約在 2009 年開始普及的時間，指出「我覺得 iPhone 4 同 Samsung 出 Galaxy S2 先係轉捩點」，但也同意智能手機的出現確是改變了大家的生活。「當年仲用緊 mp3 聽歌，心諗唔係掛，3G 真係可以普及到個個喺地鐵度上網唔 lag？結果唔洗 1 年個個轉晒」、「multi-touch 最突破，以前都發展到唔駛用筆，但都係得單點，Windows 同前期 Android，Apple 將 multi-touch 發揚光大」。
此外，有網民藉此回憶當年初接觸 iPhone，是從未想像過如此革新，感覺超 amazing 的感覺，「當年 iPhone 第一代一出好癲，未試過咁貼手嘅 touch screen，multitouch 上網加睇相勁好玩」、「當年我第一次見到 iPhone 4 好似第一次見到 PSP 咁，想像唔到呢個世界竟然有啲咁好玩嘅嘢」。因此有感「而家啲人多一個鏡頭、少個 M 字額已經足夠高潮到虛脫」的情況，算否有科技敏感體質的問題。
老實說，跟 90 後、千禧後講當年 feature phone、初代 smarthphone 有多帶領潮流，可能有點對牛彈琴的感覺，但如果大家在千禧年代已長大成人，自己有能力買手機，有留意手機情報的話，相信也會驚覺當年智能手機的發展是快如閃電，創新功能多到數不清，尤其「Apple 教主」Steve Jobs 尚在展示新 iPhone 的年代，更是值得回味。不知大家第一部智能手機是甚麼呢？
部分網民留言：
- iPhone 3G 係 2008 年喎......智能手機開始普及應該係 2009-10 年，2007-08 都仲係好多人用功能手機......
- PDA 嗰陣都興過一排，btw 當年 iPhone 第一代一出好癲，未試過咁貼手嘅 touch screen，multitouch 上網加睇相勁好玩
- 我覺得 iPhone 4 同 Samsung 出 Galaxy S2 先係轉捩點
- 當年仲用緊 mp3 聽歌，心諗唔係掛，3G 真係可以普及到個個喺地鐵度上網唔 lag？結果唔洗 1 年個個轉晒
- 係，以前上網周圍搵 game 同模擬器玩，我認同 iPhone 革新咗智能電話，UI 大進化，加埋 App Store 同用手指操控好方便，但其他功能基本上 Windows Mobile 都有晒，仲勉強用指甲都可以單手操作
- 最大突破係電容 Touch Screen（and multi-touch），Apple 由整 iPod 得出個 touch 技術，一用就上癮，以前嘅 touch mon 都要用筆，好累贅
- Nokia 嗰部應該係最先普及，但勁易壞同窒，介面都係同普通電話差不多，有彩色同靚少少
- multi-touch 最突破，以前都發展到唔駛用筆，但都係得單點，Windows 同前期 Android，Apple 將 multi-touch 發揚光大
- 以前啲新嘢新機真係會哇一聲，而家啲人多一個鏡頭、少個 M 字額已經足夠高潮到虛脫......算唔算科技敏感體質
- 當年我第一次見到 iPhone 4 就好似第一次見到 PSP 咁，想像唔到呢個世界竟然有啲咁好玩嘅嘢
【相關報道】
【相關報道】
Source: lihkg