伍家謙男人世紀難題之「十年與幾多任女友看 Marvel 電影」 網民看透世事:點答都 Endgame

| Kay | 07-05-2019 14:14 | |

在 Marvel 世界,Iron Man、美國隊長等一眾 Avengers 最大的敵人,可能是魁隆 Thanos 這位 final boss;在現實生活中,一個男人人生中最難應付的,或許是伴侶突如其來的發問,隨時比 Thanos 難於對付!之所以這樣說,是因為早前前 TVB 首席體育記者伍家謙,就在 Facebook 出了一個男人世紀難題 post。當中提到家謙一早醒來就收到來自「麻甩佬 WhatsApp group」的難題:「我尋晚同老婆去睇 Endgame,散場之後佢突然問我 Marvel 10 年入面同過幾多人去睇,經歷咗幾多『任』......佢仲補多句話唔會嬲叫我老實答喎。」

【相關報道】「瞞住請假睇復仇者」成絲打想跟男友分手原因?網民:代表你男朋友多謝你

【相關報道】「復仇者聯盟 4」金句 Love U 3000 藏玄機?向整個 Marvel 宇宙致敬【含劇透】

雖然當中指明:「唔會嬲叫我老實答」,但正所謂:「女人心,海底針」,可能太太這一刻說過不會遷怒於丈夫,但下一秒就立即「方丈」上身,困丈夫在少林寺掃地掃一世!如果大家是該位被太太發問的丈夫,你會怎樣答呢?有網民就認為自己的答案應可過關的,包括:「幾多任都不及你,因為 I love U 3000」、「話唔會同女去睇咪得囉」、「如實回答,但補多句:但無論如何,最後嗰個一定係你!」此外,留言中亦有網民問伍家謙:「其實遇到呢個問題嘅人係唔係......你本人?」,而家謙對於以上男人世紀難題,就笑回:「#DontSpoilTheEndGame」、「#DontSpoilTheRelationship」。

不過,有網民就看透了世事,以「點答都 Endgame」來回應,只因為「佢話唔嬲你都有排煩」。同時該網友也有提:「除非畀佢搵到兩張舊戲飛啫,如果唔係,點都話自己一個去睇。學樓上話齋,蛇咬都唔認!」說到底,大家如遇上伴侶這樣的發問,應當好好想清楚,小心回答,方有機會避過「扭耳仔」、「跪玻璃」、「扣零用錢」等世紀大懲罰!(笑)

精選網民留言:

  • 點答都 Endgame
  • 幾多任都不及你,因為 I love U 3000
  • 話唔會同女去睇咪得囉
  • 如實回答,但補多句:但無論如何,最後嗰個一定係你!
  • 你就係我嘅 end game
  • 「我唔會嬲」呢句非常 Loki,唔信得㗎!
  • Counter attack「咁你呢?我好小器㗎,講明先」
  • 其實遇到呢個問題嘅人係唔係......你本人?
  • 拍手指令佢消失啦問呢啲!
  • 千祈唔好答幾多個,佢話唔嬲你都有排煩。除非畀佢搵到兩張舊戲飛啫,如果唔係,點都話自己一個去睇。學樓上話齋,蛇咬都唔認!

前 TVB 首席體育記者伍家謙早前在 FB 出了一個男人世紀難題 post,就是有丈夫被妻子問:「十年與幾多任女友看 Marvel 電影」。

這 10 年間的 Marvel 電影,不乏《鐵甲奇俠》、《復仇者聯盟》系列等大作。

老實說,伴侶突如其來的發問,隨時比 Thanos 難於對付!

有網民留言問伍家謙:「其實遇到呢個問題嘅人係唔係......你本人?」

【相關報道】「復仇者聯盟 4」兩星期票房衝上 1 億 7840 萬!「阿凡達」十年紀錄被破

【相關報道】如王家衛拍「復仇者聯盟 4」10 年先拍得一集?網民爆笑二創對白節錄 

Source: 伍家謙 Facebook

相關文章

Page 1 of 21