馬鞍山大家樂員工以禮說退偷豉油怪客!網民:個客豉油當水飲?

| Kay | 06-05-2019 15:50 | |

人有貪心特質,相信沒有人會反對,只是不同的人愛貪的東西有所不同而已。近日有網民出 post 提到馬鞍山錦英苑的大家樂分店出現一名「日日偷豉油怪客」,樓主指見到有錦英苑的大家樂員工着這名偷豉油怪客,「唔好日日攞支豉油走,大大聲講,都好有禮貌,CCTV 影到你日日攞」,不過偷豉油怪客「扮無嘢,話咩要牛油,行去話『我要牛油』」。其後縱然旁邊有人提到要報警,叫偷豉油怪客拿出豉油,但該大家樂員工也保持禮貌,應其要求之外,又多給紙巾,並表示「第日唔好再攞」。隨後這名偷豉油怪客或許不敵該大家樂員工的「窩心攻勢」,於是偷偷將豉油掉在地下,然後離開,事件暫算告一段落。

【相關報道】九巴暖心職員冒雨為乘客擔遮!網民大讚值得表掦

【相關報道】大埔友大讚暖心 274X 巴士司機 5 個細心行為!車長現身:期待再次為大家服務

有網民雖然看不明白樓主「㪐㩿到無朋友」的原 post,但也想了解偷豉油怪客何解要每天都偷,「日日拎,個客豉油當水飲?」、「香港人不嬲都貪小便宜!成支豉油都偷的確唔啱!」、「攞走嗰吓可能好興奮,又有得用,可能只求一刻開心」。同時也有網民提到其他馬鞍山大家樂分店都有類似的偷竊怪客出現,例如恆安邨、頌安邨的大家樂都有形形色色的怪客出沒,並笑指「國庫都比佢哋掏空了」。

樓主出這個 post 的時候,或許一心想表揚這位在錦英苑大家樂工作的有禮員工,也有網友稱「錦英大家樂啲姐姐有心做嘢同有禮貌就堅嘅」,可是有網民認為「要表揚唔係呢度,你應該 email 去大渣樂」、「有冇諗過人哋想唔想你影佢再放上嚟表揚,唔好咁自以為是啦......」,希望樓主了解清楚該大家樂員工是否想被讚揚,才在網絡上發文熱議。

精選網民留言:

  • 日日拎,個客豉油當水飲?
  • 既然 CCTV 影到就報警喇
  • 頌安大家樂一樣,啲阿婆日日去拎砂糖,仲聽到佢問樓下個看更要唔要,拎埋畀佢。國庫都比佢哋掏空了
  • 要表揚唔係呢度,你應該 email 去大渣樂
  • 其實一直唔明,點解糖鹽甜醬辣醬都係用包裝,得呢款用支裝
  • 上次我見到有阿伯偷叉偷刀添,真係吹到啤一聲
  • 你有冇諗過人哋想唔想你影佢再放上嚟表揚,唔好咁自以為是啦......
  • 其實唔係好睇得明。不過錦英大家樂啲姐姐有心做嘢同有禮貌就堅嘅。
  • 香港人不嬲都貪小便宜!成支豉油都偷的確唔啱!BTW 唔見得樓主有幾「正義」!影相上網公審!
  • 攞走嗰吓可能好興奮,又有得用,可能只求一刻開心

有網民出 post 分享「馬鞍山大家樂員工以禮說退偷豉油怪客」事件。

有網民提到其他馬鞍山大家樂分店都有類似的偷竊怪客出現,例如恆安、頌安的大家樂都有形形色色的怪客出沒。

【相關報道】包場請員工睇「復仇者聯盟 4」!老闆:避免員工承受劇透風險

【相關報道】員工請假原因是睇「復 4」後爆喊要休息!暖心上司分享後稱:最後有批假 

Source: Sarah Lau @ 馬鞍山之友 MOSers (Since 2014) Facebook

相關文章

Page 1 of 21