罵中國人無品、欠缺公德心的同時，其實香港一樣有缺德之人！有網民在 Facebook 群組「巴打絲打 Facebook Club」中就直指今早有人疑借戲院電腦故障入場睇《復仇者聯盟 4：終局之戰》（Avengers：Endgame）「霸王戲」，令戲院的嬸嬸職員有機會面臨公司開除及賠錢！
【相關新聞】
【相關新聞】
樓主留言指，當時正在位於機場 UA 戲院睇早場的 IMAX 版《復仇者聯盟 4：終局之戰》，但由於系統故障未能售票，當時有約 20 多人在售票處要求入場。而當時戲院只有一位年紀較大的嬸嬸職員，在群眾壓力下直接放人入場，並於完場時補錢購票。但結果，完場時門口雖已放了圍欄，但仍有觀眾跨過圍欄唔畀錢就走，最後約 20 多人中，只有 3 人付錢買飛。樓主更指該位嬸嬸職員有機會被公司要求賠錢兼開除，而其他職員就謂戲院門口有 CCTV 影低人樣，並將會報警處理。
其他網民見狀紛紛留言大罵該批睇「霸王戲」的觀眾，更直斥行為可恥，「香港有好多無品嘅人」、「香港都真係好多大種乞衣」；有網民謂「無錢就唔好學人睇戲啦」、「Cheap 精」、「厚顏無恥」，更有網民指真係好心無好報，用 160 蚊戲飛睇清楚人格，又表示擔心嬸嬸職員會否因此而冇咗份工。 此外，也有網民表示戲院早場得一位嬸嬸返工，UA 戲院都有問題同責任要付！
【相關新聞】
【相關新聞】