打鼓嶺坪輋狗場涉恐怖虐畜慘況掀全城關注!姚子羚:很心疼

| Kay | 29-04-2019 10:45 | |

早前 TVB 節目《東張西望》直擊打鼓嶺坪輋狗場浪舍涉嫌恐怖虐待動物的慘況,節目可見現場最少有 30 具貓狗屍體,更有部分動物屍體已化成白骨,情況令人極震驚,掀起全城關注。有知情人士估計,狗隻是被監生餓死,生前缺水缺糧乏人照顧,漁護署及愛護動物協會接報後,亦已到場拯救及進行搜證工作,場內有 50 多隻狗隻已被救出,成功逃離這個動物煉獄。

【相關報道】無品情侶鬧交拎狗狗出氣!將狗摔落地致骨折爆肝

【相關報道】泰國狗狗誤闖貨船來港 無健康證明 遭漁護署極速人道毀滅

對於以上打鼓嶺坪輋狗場浪舍涉嫌恐怖虐待動物的慘況,不論是否動物愛好者都深感震驚及難過,如:TVB 藝人姚子羚 Elaine 就留言直指:「很心疼」,亦有網民坦言:「情願佢哋流浪自行求生好過困住等死!」、「真係好痛心,場主只是借毛孩斂財,錢袋咗,狗糧放在一邊,毛孩水都冇得飲,處理完啲毛孩,應該要跟進啲捐款,要佢嘔返晒出嚟」,細看留言不乏令人感慨、無奈的回應。

至於涉事狗場浪舍其後有出 FB post,提到:「本舍現正成立專案小組,小組成員將盡快公開,本舍未正式公開前,外界各方面既公報及籌款都與本舍無關!希望各位留意!!」,以正視聽。可是這個 FB post 並未能平息網友怒火,反而有不少巴絲打質疑「貴舍有能力成立專案小組,為何又冇成立小組照顧或跟進場內狗狗同狗狗居住環境?睇航拍照片簡直慘不忍睹!」,以及希望「出 post 人夠膽出嚟澄清你係邊位」。此外,不少網民鬧爆狗場營運模式是騙了一眾毛孩守護者的感情,「專業操控者,假仁假義,只求捐款,不理毛孩死活。」、「如果出 post 呢班人真係有跟進狗場情況,點會搞到咁?!」,即使狗場場主怎樣補救,也不能求得毛孩守護者的寬恕。

精選網民留言:

  • 情願佢哋流浪自行求生好過困住等死!
  • 香港嘅動保真係落後到唔識形容......
  • 很心疼
  • 好多人抱着出唔到力幫動物,便出錢吧,出錢當然係好事,但好多人出錢之餘根本冇好好研究捐出嘅錢是否真的去了動物身上,結果造就咗一班利用人同情心搵錢嘅人,希望捐錢嘅人都可以反省一吓,否則可能間接成為幫凶!
  • 真係好痛心,場主只是借毛孩斂財,錢袋咗,狗糧放在一邊,毛孩水都冇得飲,處理完啲毛孩,應該要跟進啲捐款,要佢嘔返晒出嚟
  • 貴舍有能力成立專案小組,為何又冇成立小組照顧或跟進場內狗狗同狗狗居住環境?睇航拍照片簡直慘不忍睹!
  • 專業操控者,假仁假義,只求捐款,不理毛孩死活。出 post 人夠膽出嚟澄清你係邊位嗎
  • 動物警察今次真係要徹查有幾多同黨!詐騙、疏忽照顧、殘酷對待貓狗!今次浪舍事件相信只係冰山一角!
  • 如果出 post 呢班人真係有跟進狗場情況,點會搞到咁?!金錢同人真係萬惡之首
  • 你地收咗既錢用咗係邊?財務及營運係點處理?天網恢恢,疏而不漏,利用幾十條生命換來嘅錢,小心報應。

早前 TVB 節目《東張西望》直擊打鼓嶺坪輋狗場浪舍涉嫌恐怖虐待動物的慘況,掀起全城關注!

對於打鼓嶺坪輋狗場慘況,不論是否動物愛好者都深感震驚及難過,例如 TVB 藝人姚子羚 Elaine 就留言直指:「很心疼」。

至於涉事狗場浪舍其後有出 FB post 以正視聽。

可是這個 FB post 並未能平息網友怒火,反而有不少巴絲打質疑「貴舍有能力成立專案小組,為何又冇成立小組照顧或跟進場內狗狗同狗狗居住環境?」。

【相關報道】史上首隻攀上逾 7000 米高峰狗狗!流浪狗尾隨登山隊上喜馬拉雅山

【相關報道】冷血狗主「放狗」以電動滑板車高速拖行!網民怒轟:心理變態 

Source: 香港動物報 Facebook浪舍 Facebook

相關文章

Page 1 of 21