戀愛多年遭背叛的滋味，不一定只有 Sammi 或馬明才明白。有自稱絲打的網民在網上討論區發帖訴苦，指遭拍拖近 8 年的伴侶拋棄；慨嘆拍拖 8 年不敵一個認識僅一星期的第三者。
輸給新鮮感？
網民「哈蝦蝦」日前在 LIHKG 討論區發帖，題為「初戀七年幾感情,都敵不過認識一星期既第三者」。樓主在帖子表示，與男友「仲有幾個月就一齊八年了，八月同十一月既機票都買埋」。
成晚冇返 熄咗電話
世事難料，就在這個晚上，他決定攤牌了。絲打續稱：「琴晚成晚冇返黎兼熄左電話，我就傻傻咁望住樓下閉路電視到天光，終於等到今朝七點幾開電話打返黎。」
男友認有第三者
「佢話喺人地屋企飲醉左岩岩先醒，最後認左有第三者。」
絲打晴天霹靂：「我啲眼淚唔識停喺咁流。。好心好似俾刀劏左一樣。」
截稿前，帖子贏得 1300 正評，僅 31 負評；絲打似乎贏得不少網民正評勉勵。第一個網民回應就蝦碌：「共勉之。女人初戀一定會覺得未玩夠」。
「佢唔想再辜負我」？
當小記都以為樓主是巴打，樓主居然彩蛋回應：「我其實係絲。。佢話佢好錯，冇資格輓留我，佢話驚受唔到第二次誘惑，我浪費左咁多年青春俾佢，佢唔想再辜負我」。
網民：「已經壞咗」
有網民疑借用歌手許志安的記招道歉言論，突破盲腸：「呢個人已經冇咗靈魂冇咗自己，壞咗架啦，丟咗佢都唔可惜」。
另有網民表示：「9 年揮手區，記得揾人傾訴，唔好收埋自己，加油！」，樓主絲打回應：「希望流乾晒啲眼淚可以忘記到佢，巴打你都要加油！」
有網民同病相憐：「前 2 個月試過。呆左，係我呢世人最感覺到痛苦既一次！不停濠哭，個心好_痛，點解一個你最愛既人可以咁無情出賣同背叛你，仲要講一堆藉口比自己。你個死臭_ 我_你老母！（文字經過處理）」。
【精選消息】
【精選消息】
Source：LIHKG討論區