怕痴線鄰居?巴打表示「寧願辛苦啲租樓住都唔住公屋」

| Kay | 23-04-2019 11:21 | |
怕痴線鄰居?巴打表示「寧願辛苦啲租樓住都唔住公屋」

早前 TVB《東張西望》報道的白田邨公屋噪音及美東邨住戶滋擾事件,確是備受市民關注,更有巴打看過《東張西望》後,在連登討論區出 post 表示「寧願辛苦啲租樓住都唔住公屋」,以及「好心啲痴線佬入青山咪害人啦,分分鐘行出門口俾人斬都唔知咩事,仲喺到吹奏公屋都痴 X 線」。可是常言有道:「得公屋,得天下」,到底一眾網民看了樓主這個 post,會有何感覺呢?

【相關報道】

【相關報道】

有網民坦言 TVB《東張西望》報道的問題鄰居事件,只是個別例子,「排完見到有痴線佬先走都未遲啦,講緊每個月幫你慳一萬,十年後真係有痴線佬搬去你隔離,你都慳咗球幾」、「我諗公屋未必唔係唔好住,而係嗰堆未好返又唔 X 食藥嘅人搞到唔好住」、「我住嗰到成層人都好有錢,大陸有地收租份人又 nice,痴線佬只係勁少數」、「我覺得呢啲極端罕見例子嚟,負擔唔起私樓、貴租嘅話其實公屋都可以接受」,亦有網民認為樓主以上所說,是有貶低住公屋人士的意味,更着樓主「請唔好標籤公屋仔」。

此外,有網民認為住公屋好處甚多,例如「千幾蚊租月月去旅行」、「實用啲鄰里關係又好」、「租金壓力低、綠表又冇咁多人爭」等,更指「公屋唔係你想住就住」。之不過,當中都有網民藉 TVB《東張西望》報道,希望政府正視精神病人的處理及跟進問題,因為「痴線佬嘅行為你唔會估到,如果佢哋出街出商場搞事,你以為住公屋附近啲私樓可以唔關你事,出街冇安全隱患?」

精選網民留言:

  • 公屋唔係你想住就住
  • 南區啲公屋會唔會好啲?
  • 我住天耀,靚過大把私樓
  • 我住嗰到成層人都好有錢,大陸有地收租份人又 nice,痴線佬只係勁少數
  • 請唔好標籤公屋仔,我哋都係人
  • 萬幾蚊租私樓 V.S. 千幾蚊租月月去旅行
  • 不過我覺得呢啲極端罕見例子嚟,負擔唔起私樓、貴租嘅話其實公屋都可以接受
  • 排完見到有痴線佬先走都未遲啦,講緊每個月幫你慳一萬,十年後真係有痴線佬搬去你隔離,你都慳咗球幾
  • 問題係出於政府唔處理好啲精神有問題嘅人,唔關公唔公屋事,痴線佬嘅行為你唔會估到,如果佢哋出街出商場搞事,你以為住公屋附近啲私樓可以唔關你事,出街冇安全隱患?
  • 我諗公屋未必唔係唔好住,而係嗰堆未好返又唔 X 食藥嘅人搞到唔好住

怕痴線鄰居?巴打表示「寧願辛苦啲租樓住都唔住公屋」
早前 TVB《東張西望》報道的白田邨公屋問題事件,確是備受市民關注,圖為白田邨公屋噪音事件。

怕痴線鄰居?巴打表示「寧願辛苦啲租樓住都唔住公屋」
另一個TVB《東張西望》報道有提的,是美東邨住戶滋擾事件。

怕痴線鄰居?巴打表示「寧願辛苦啲租樓住都唔住公屋」
有網民坦言 TVB《東張西望》報道的問題鄰居事件,只是個別例子,「我諗公屋未必唔係唔好住,而係嗰堆未好返又唔 X 食藥嘅人搞到唔好住」。

怕痴線鄰居?巴打表示「寧願辛苦啲租樓住都唔住公屋」
不過有網民分享了朋友的公屋痴線鄰居經歷,更指「搵房署都搞佢唔掂」。

【相關報道】

【相關報道】

Source: lihkg, YouTube @ TVB(official)

相關文章

Page 1 of 11