大媽巴士車廂進食餅碎四散 乘客提醒反被罵:架巴士你買咗!

| TT | 22-04-2019 18:18 | |
大媽巴士車廂進食餅碎四散  乘客提醒反被罵:架巴士你買咗!

早前,九巴公司已經其 Facebook 群頁上特意發文提醒乘客切勿在車廂偷食,呼籲乘客要做個有公德心的人,保持車廂清潔,但可惜不是每位乘客都能遵守規矩的。有網民在「巴士的事討論區」的 Facebook 群組分享,在九巴上拍攝到一名中年婦人在巴士車廂內進食餅乾,並將餅乾碎跌到座位和地上,樓主上前勸對方把餅碎清理好,卻遭對方大罵「我唔小心得唔得呀!報警囉!」,不少網民大讚樓主「做得好!」

大媽巴士車廂進食餅碎四散  乘客提醒反被罵:架巴士你買咗!
涉事的中年女子

【相關報導】

據樓主上傳的影片可見,該名中年婦人原本坐在巴士車廂最後排靠左的位置,手持一塊餅乾,而車廂地上亦有些碎了的餅乾,開首時樓主對涉事女子表示「呢期你最紅啦,食到成架車都係」,而對方則指自己不小心,著樓主報警。而樓主則回應「咁你唔小心咪執番佢囉!」但對方並無執拾的意欲,更鬧到「都廢 X 事彩你!」語畢,便拿起自己的隨身物品更換座位,而影片拍攝到在女子離開座位後,她的座位旁還留有一塊餅乾。

之後她便轉到車廂內前一排靠右邊的座位就座,期間仍不忘進食餅乾,而當她知道樓主在拍攝自己的時候更大罵「癡 X 線架!無嘢理你就搵人嚟理啦,你搵啲餅乾嚟理,你係咪得閒嚟滯呀,係咪男人嚟架!放上網啦,紅曬啊你,大把錢收啊!關你咩事啊,呢架巴士你買咗啊?癡線架呢啲咁嘅人,我唔信你唔跌垃圾落地下嘅,唔小心整落地下關你 X 事!」樓主期間亦多次向其表示「叫你執一執佢姐都係」,但由始至終該名女子並無執拾過跌在地上的餅碎,而且手上仍不斷拿著餅乾進食。

大媽巴士車廂進食餅碎四散  乘客提醒反被罵:架巴士你買咗!
女子離開原本座位後,她的座位隔離還留有一塊餅乾。

大媽巴士車廂進食餅碎四散  乘客提醒反被罵:架巴士你買咗!
影片拍攝到地上亦有些碎了的餅乾

此帖一出後,不少網民均大讚樓主做得好,「分享出去啦!樓主坐緊幾多號巴士呀而家仲喺唔喺度呀個女人」、「支持樓主」、「我覺得呢條片好,樓主已盡責 D7 佢,係亞婆唔聽,放片公審,讚!」。不過,亦有網民質疑為何樓主當時不通知車長處理,「點解唔通知車長處理?佢食嘢都算,食到周地都係,已經構成車廂內亂拋垃圾,係違反附例可控告,要求車長駛埋一邊,起碼要佢執番垃圾」、「叫車長停車,唔係問題,呢啲 X 街一個電話車長又上去胸肺科照一照」、「同車長投訴,叫車長趕個女人落車」、「空間是公共的,已寫明不能飲食,一停車同車長講就可以真的不用拍!」甚至有網民問「其實有冇一啲法律機制,可以處理到呢類人?」

大媽巴士車廂進食餅碎四散  乘客提醒反被罵:架巴士你買咗!
部份網民留言

現時九巴的乘客須知內只有列出請勿於車廂內飲食,但卻沒有列明罰則,導致不少乘客「懶理」提示。不過,九巴亦已嘗試透過不同途徑向市民作出呼籲,希望乘客可以自律,做個有公德心的人。

【相關報導】

【相關報導】

Source:巴士的事討論區 @ FacebookKMB

相關文章

Page 1 of 11