便利店經常會與不同品牌合作，讓客人購物滿指定金額，再集齊印花後便可換領精品。而事實上，早在 10 多年前便利店已有不少精品可以換領，更有網民在討論區中分享以前在 7-11 換領過的禮物，指當年的禮物更為高質，此帖更吸引不少網民大曬自己當年的收藏，更有人直呼此帖是「滿滿嘅回憶！」
【相關報導】
樓主在連登討論區中，拍攝及上載自己當年儲齊一套的迪士尼迷你公仔，並稱「印象中個陣好似買夠廿蚊就會有一隻公仔」，即引來不少網民表示「自己都有儲」。之後有網民稱要數經典 7-11 印花換領的禮物，「當然唔少得 Hello Kitty 磁石貼」、「大口仔鎖匙套」、「多啦 A 夢印仔」、「Hello Kitty 襟章」、「英超閃令令貼紙相」等，更附上自己收藏的照片，令樓主大嘆「大家都經歷過呢段日子，respect！」
網民當年的收藏：
此外，不少網民亦分享當年儲印花的經歷，「 Hello Kitty 塊布細個都有買，早幾年老母話屋企無位然後 dum 咗」、「我有多啦 A 夢嗰隻，不過印仔唔齊，反而多重複，之後細個求其塞爆 D 位當自己儲齊」、「記得小學係屋企食完早餐，都要去 7 仔買夠 20 蚊魚蛋燒賣，抽中相同又可以同朋友換，好懷舊。btw 7 仔好成功」、「有齊但俾屋企人掉哂」、「童年回憶，以前為咗儲，成日叫啊媽唔好煮飯，買叮叮飯食」、「好懷念當時 7-11 買夠廿蚊就有嘢送，而唔係好似而家咁儲印花，完全冇心機儲」。不知這些儲精品經歷又有沒有勾起你的童年回憶呢？
【相關報導】
【相關報導】
Source：連登討論區