大埔友大讚暖心 274X 巴士司機 5 個細心行為!車長現身:期待再次為大家服務

| Kay | 19-04-2019 17:55 | |
大埔友大讚暖心 274X 巴士司機 5 個細心行為!車長現身:期待再次為大家服務

近來天氣陰晴不定,突然下大雨讓市民措手不及的情況,可講「老是常出現」。早前有大埔友在 FB 群組分享自己一次「收工先嚟落雨,無帶雨遮坐 274X 巴士回大埔」的經歷,可能大家會覺得樓主趁機傷心 share 刷存在感,但當中反而是藉着出 post 讚揚 274X 巴士司機的 5 個超暖心舉動,使其感到人間有愛,世上仍有好人好事的。

【相關報道】

【相關報道】

暖心 274X 巴士司機 5 個細心行為如下:

  • 司機哥哥不停鼓勵乘客行入啲俾多啲人上,仲好細心咁向乘客解釋因為往觀塘方向好塞車,所以啲車返唔切總站,只有好少車出到,請大家再企入少少,希望下一個站盡量上多幾個乘客,因為大家收工都好想快啲返到屋企!
  • 埋站後,司機再好有禮貌咁請上咗車嘅乘客行埋多少少,希望多啲人可以上到車。
  • 上到真係上唔到之後,司機都好細心咁提醒乘客企穩扶穩,再三確認要落車嘅乘客已經落晒車,先閂門開車。
  • 怕揹住手袋嘅乘客會「hi」到八達通機扣多咗錢,暫時熄一熄部機,去到大埔先開返。
  • 到大埔之後,都有確認所有要落車嘅乘客落晒車先再開車,開車前又再提醒大家扶好啦~開車啦~

網民一致好評

一眾網民看了樓主的分享後,大讚該巴士車長「超好人」、「真係好好」、「只係聽你講都覺得暖和窩心!!」,並且有網民表示「這段讚文應該 sent 去巴士公司」,以及 tag 了 KMB 九巴專頁,希望有九巴高層能夠看見。縱使這個 post 的留言不算多,但網友對該車長都報以一致好評,最後該車長真的在 FB 現身回覆大家的留言,並表示「琴日真係好難等車、好難上車,辛苦大家」,以及「多謝,期待再次為大家服務」。

大埔友大讚暖心 274X 巴士司機 5 個細心行為!車長現身:期待再次為大家服務
早前有大埔友在 FB 群組分享自己一次「收工先嚟落雨,無帶雨遮坐 274X 巴士回大埔」的經歷,當中讚揚 274X 巴士司機的 5 個超暖心舉動,使其感到人間有愛。

大埔友大讚暖心 274X 巴士司機 5 個細心行為!車長現身:期待再次為大家服務
網友對該車長報以一致好評,最後該車長真的在 FB 現身回覆大家的留言!

【相關報道】

【相關報道】

Source: Lamhiu Akatsuki @ Tai Po 大埔 Facebook

相關文章

Page 1 of 11