港媽人有三急趕落機掉低 6 歲仔!空姐鬧爆:飛廿年你係第一個

| TT | 11-04-2019 19:17 | |

早前,有粗心媽媽搭飛機時將 BB 獨留候機室,最近又有媽媽疑因尿急將 6 歲兒子獨留飛機上!有資深空姐取笑是「史無前例」,又被網民直指「抵鬧」。一名空少在其 Facebook 專頁「豆腐空少的飛行日記」上,分享這則事件。他指每程機在最後一名乘客下飛機後,機組人員都需作降落後的檢查,檢查一下有沒有「大頭蝦」的乘客遺留個人物品,而空少亦指自己過往曾執到不少隨身物品,甚至連貼身內衣亦有發現過,不過亦不及今次的發現「重大」。

【相關報導】内地男坐飛機為女兒掟銀祈福被捕!網民嘲:機場應設置掟幣池

空少指,自己居然在飛機上「執」到一名 6 至 7 歲的香港小朋友,疑是被其母親遺留於飛機上,於是空少便問小朋友「細佬,媽咪去左邊啊」,而小朋友亦能清楚地回答空少自己的媽媽去了上洗手間,而空少再問「但係成機都得返你一個咋,有冇媽咪電話呀?」的時候,便被另一名資深空姐告知小朋友的媽媽正折返接回該名小朋友。

當該名「大頭蝦」港媽見到兒子的第一反應,居然不是有種「失而復得」的感覺,反之,港媽直接問小朋友為何不下飛機!小朋友則直接地回答:「我點知你飛機有廁所唔去,用出面嗰啲喎。」此時,該名資深空姐同樣在場,則忍不住斥責該名港媽「太太,我飛左廿年有人漏左個仔你都係第一個,我地做人呀媽嘅應該要好好睇住個仔,好彩你個仔醒姐」。該名港媽被空姐教訓後,便「頭耷耷」帶著兒子下飛機。空少事後更指,假若該名港媽沒有折返接走其兒子,自己以及一眾機組人員真會誤以為其母因經濟有困難而把兒子遺留在飛機上。

空少原Po

此帖一出,不少網民都紛紛直指該名媽媽「不可思議」,「原來漏胸圍底褲唔算係乜嘢,呢個阿媽真厲害!」、「 無理由呢 d 亞媽會企係度俾阿姐鬧唔還拖」、「落機兒」、「阿姐鬧人很有技巧」、「個阿媽唔遲幾日先返來揾番個仔,等航空公司帮她養幾日?可慳番幾日米飯錢」、「老母真心膠」、「擺明唔要,趁機」、「咁搭個飛機都要幾高成本先遺棄到個仔」、「真係生仔要考牌」、「跟住你執咗返去養,將豆腐個名俾咗佢,自己改名豆腐老竇」。

由於該專頁經常會分享一些飛行趣事,所以受不少同樣身為空中服務員的網民關注,並分享自己的經歷。「我遇過漏底老婆仲要行到好遠先發現」、「我都試過飛 bkk , 小朋友訓到我地嗌醒佢,成架機得佢一個,呀爸呀媽唔知去左邊」、「我之前做個班機 Landing check 見到個手抱 bb 係位度, 行去通知啊姐之際,前面廁所有個女人係廁所斯斯然行出黎抱返個 bb ,問清楚確認晒係兩母女之後,啊姐問佢如果個 bb 自己跌左落地點算或者俾人抱走左點算,個女人先識驚」、「試過阿媽落咗巴士漏低 2 個女坐到總站啦」、「我係 E2 遇過個老婆轉機既時候唔見左個老公」、「我都試過有人溜左個 B 番轉頭拎」。

網民留言

【相關報導】中國女乘客為方便下飛機 擅自打開機艙逃生門

【相關報導】4 個月大手抱嬰首次搭飛機!暖媽向全機乘客送耳塞小禮包兼致歉

Source:豆腐空少的飛行日記@Facebook

相關文章

Page 1 of 21