飛機座位能夠靠後的設計，已引發過不少乘客爭吵。昨日（7 日）有網民在「馬鞍山之友」Facebook 群組發文，指自己在香港航空從沖繩飛回香港的航班上，遇上了不愉快事件，更疑因事件導致自己的 Apple 耳機失靈，問一眾網民自己應不應該報警。
【相關報導】
事緣，樓主在飛機上，前排坐了一名內地女子，該女子的旁邊坐的是其丈夫及兒子，樓主指「一開始都仲冇乜事，後嚟佢訓教，一下子將成張櫈靠到最後！」樓主指由於香港航空的座位本身比較窄，而自己本身亦放了一支茶在其座位後方，結果當前面女子靠後時，椅背的茶就掉在地上。由於座位之間的間隔比較窄，樓主好不容易把飲品撿起來的時候，不小心推了一下前方的座位，前方女子疑因不滿被樓主推了又推，便將座位再靠後，之後樓主稱「我執完上返嚟又唔夠位，我再推一推（前方座位）」導致前方女子終於忍不住，斥責樓主「先生，你可以不要打擾我休息嗎？」樓主便以自己的座位太窄回應，誰料，前方女子竟教樓主「那你靠後就好啊！」但樓主卻以不想影響後面乘客為由，拒絕將座位靠後，更指「做人唔可以咁冇公德心㗎嘛，係咪先」，結果前方女子更激動地回答「你所謂嘅公德心係邊個規範㗎？我有權利可以靠後架！！」
樓主見對方越來越激動，便要求空中服務員協助，途中更用手機攝下其行為，對方見樓主用手機拍攝，便出手拍打樓主的手機及耳機，而空中服務員到場後，亦向該名女子表示「唔可以郁手」，但對方卻指「（樓主）踢我又唔見你理？ 」樓主之後一直用手機將過程拍攝下，最後被前方女子發現，又再次出手拍打手機，其後空中服務員為免雙方再起衝突，便安排了樓主調位。
事後，樓主在 Facebook 指「其實小弟唔係話唔畀佢靠後，但係靠後之前唔該講聲，或者最起碼唔好落得咁快，同埋唔好靠咁落吖係咪。飛機座位咁迫，你靠後靠到盡，你舒服時後面嗰個其實好辛苦架！仲要大陸婆聲大夾惡，惡人先告狀嘅態度真係好過份！個大陸婆口口聲聲權利，又話公得心冇人訂唔洗理，唔怪之得大陸人咁刻人僧又咁冇公德心啦！」
對於樓主的理論，網民的意見兩極，有網民認為座椅的設計本身就是能夠讓人靠後的。「靠後係 Seat function，你只可以向航空公司投訴個位設計到可以挨後好影響到你，而你無權阻止/叫人地唔好挨後或挨得盡唔盡，個電視大把戲睇都係 function 之一，如果有人阻止你睇又如何？道理一樣！」、「而家 D 香港人真係好惡 識搵空姐投訴」、「個座位係可以挨後，佢挨盡唔係無公德心，正常行為」、「真係冇得話人哋好挨後㗎！有時公德心被無限濫用，道德高地
亂咁上。」、「其實坐你附近都幾慘」、「其實由 70 年代開始都係會挨後，不過近來 90 後出世果班年輕人又話唔可以挨後」、「搭咁耐飛機，真係第一次聽到挨後就會搞到後座又倒瀉嘢又剩」、「飛機位有咁嘅設計，個女人都係物盡其用」、「坐飛機靠後張椅，唔好講話大陸人，全世界都有人咁做。」
不過，同時亦有少量網民支持樓主：「郁身郁細踢到佢張櫈再頂返佢轉頭啦」、「毀壞個人財產，告得」、「其實一開始就應該話佢」、「下次醒目d，問空姐拎杯熱水，唔夠位拎一嘢淋去前面」、「大陸人怎會理人感受啊」、「喪踢佢張櫈啦」。
【相關報導】
【相關報導】
Source：馬鞍山之友@Facebook