港媽總站搭巴士為兩站後上車朋友霸位!網民串爆:幾時可 online check in 霸位?

| TT | 05-04-2019 15:31 | |

坐飛機可以提前 check-in 劃位,但甚麼時候開始,連坐巴士也可「預先霸位」?有網民昨日(4 日)於 Facebook 「元朗吹水區」上表示,自己乘搭九巴 69X ,在總站開出時巴士已經有九成滿,不過下層後排還有空位,只不過空位被一名港媽擺放了書包。每當有乘客過去要求要坐的時候,港媽竟向其表示「留左俾人坐喎」,令一眾網民大鬧「啋佢都儍!」

樓主拍攝的圖

樓主指,當時巴士上一名男子行到後排打算坐的時候,「霸位港媽」居然指該位置「留左俾人坐喎」,令該男子無奈地「行返出去企」,而令人氣憤的是樓主指港媽把書包放在座位上,其實是為 2 個站後上車的朋友霸位。

【相關報導】巴士阿叔大聲播粵曲 網民出絕招逼關機

樓主的帖文一出,不少網民都直言會照坐,「一個做得出,另一個又好意思,無得頂」、「拎起個書包然後就坐,啋佢都傻」、「我都試過,我照坐,你估酒樓呀,一句收佢 X 」、「幾時有留座㗎?」、「傻嘅,叫佢攞開啦」、「港媽=自私」、「巴士有留位咩!我會告訴她,巴士有留座,麻煩拎開物件,然後坐下」、「我會照坐」、「On X 再唔係,我會話你霸位,我霸先過你喎,你見 5到有個小朋友坐係到咩」、「先問書包係唔係佢嘅,係就叫佢拎走。佢拎唔拎,或唔出聲都照坐落去。」、「用 Deanie 姐腔同佢講呢度唔係酒樓無留位」、「 巴士有留位?幾號電話」、「我會問佢留位熱線幾多號!booking no.幾多號,我要幫佢 confirm 係咪真係留左位」、「問佢一句 留位比咗錢未」、「幾時可以 online check in 霸位」、「下次上車之前打電話去九巴留位」、「係港人都知搭公共巴士都唔可以霸位喇」。

不過同時有網民斥樓主,於當刻就應該阻止,以免助長歪風。樓主亦回應指,自己並不是當事人,不方便開聲指責,但自己已多次遇上「霸位港媽」,指她在巴士時沒有公德心已是常事:「其實我平時搭車撞過以對港媽好多次....兩個大人係度吹水又得兩個小朋友嘈住人地...我都即時叫佢地可唔可以細聲啲. 但講又點, 個兩個港媽咪又係俾說話你聽。」

後排的一個座位上放了書包

樓主原文

部份網民留言

【相關報導】【巴士大戰】女乘客疑屈男子批㬹!巴打挺身而出團結乘客:邊個話香港人冇愛?

【相關報導】普通話婦新加坡坐巴士「過站」!人肉擋車要求車長調頭

Source:元朗吹水區@Faebook

相關文章

Page 1 of 21