投訴主題公園搞萬聖節活動 港客稱有信仰要求年票補償兩個月

| Siu Yeung | 02-04-2019 20:28 | |

不少主題樂園都會推出年票(全年入場證),即是 1 年內無限次入場。有任職樂園的網民向 Facebook 專頁「西客之道」投稿,指一名港客投訴,樂園有兩個月時間有萬聖節活動,而她則有宗教信仰,期間不會光顧,因此要求年票延期 2 個月。樂園職員拒絕後,港客指責樂園「呃人」,並聲稱會投訴。

【網絡熱話】「32 歲處男」港媽再大鬧診所!「佔領」醫生房迫開病假紙

帖文表示一名港客本來在查詢暑假期間的活動,卻突然談及萬聖節活動,向樓主表示:「你哋呀,啲萬聖節活動我唔會參加囉,我有宗教信仰架,唔會慶祝啲咁嘅活動架,同埋啲咁嘅裝飾佈置會嚇親我小朋友囉。我買咗你哋個年票架,有成 2 個月都唔會入去玩,我覺得你地要 extend 返畀我囉。」

樓主回覆年票由買的當日計算有效期,不能延期,並指如果擔心小朋友會「嚇親」,大可以去園區沒有萬聖節佈置的地方。港客則回應:「我唔理你哋邊度冇佈置喇,總之你哋一入門口已經掛哂 banner 又盛咁,我就唔會去喇,你哋個年票用 12 個月架嘛,就要賠返嗰 2 個月畀我喇!」之後樓主再表明年票不能延期,港客便指責樂園「呃人」,又稱會向消委會投訴。

至於網民方面,幾乎全都覺得港客無理,留言包括:「佢不如_埋話點解你哋唔開 24 小時,凌晨時分冇得嚟玩即係呃佢鐘啦」、「我係負責人就下年整得再恐怖 D」、「佛誕唔好放假,千祈唔好放假,放咗正_家鏟」、「個西客無話『平日返工返學,嚟唔到玩,應該 extend 多兩年』,已經好好」、「又唔見啲佛教徒話有聖誕裝飾唔入得」等。

【網絡熱話】港女疑插隊「斷正」被勸喻 竟拒排隊拒登機迫地勤道歉

【網絡熱話】港媽要求商場職員開輪椅升降機畀小朋友「體驗」!網民:「咩家教?」

Source:西客之道 Hispitality Secret

相關文章

Page 1 of 21