港女稱不適用紙巾霸位?買咖啡後發現座位被佔遂公審兩港男

| TT | 01-04-2019 17:52 | |
港女稱不適用紙巾霸位?買咖啡後發現座位被佔遂公審兩港男

當大家一個人惠顧自助式餐廳時,會以甚麼方法霸位呢?有女網民在 Facebook 群組「香港花生友」上,分享自己獨自外出時感身體不適,所以打算到附近的連鎖咖啡店休息,由於當時只有自己一人,所以她便用一包紙巾「霸位」,之後出去買飲料。誰知,下單後發覺自己的座位,被兩名男子佔用,自己好言相向卻被對方惡言回覆,雙方互不退讓,惟女網民最終因身體不適離去。事後在 Facebook 群組發文,並上載涉事男子的照片欲對其網絡公審,但卻反被網民批評。

港女稱不適用紙巾霸位?買咖啡後發現座位被佔遂公審兩港男
樓主拍攝涉事男子的照片

【網絡熱話】

【網絡熱話】

根據樓主所指,自己買完飲料回到座位,發現自己霸佔的座位被兩名男子坐了,所以她便有禮貌地向對方表示「唔好意思啊,頭先我擺左包紙巾係到,個位我坐緊架」,語畢,其中一名男子已經準備起身把座位讓回樓主,惟另一名男子卻質疑樓主,更指「吓?我點知包紙巾係你架,擺左係到個位就係你架啦?」,之後樓主再解釋「唔好意思啊,因為我身上冇乜野,所以先擺包紙巾」,可惜對方已惡言相向,樓主更激動地指對方「點解你咁野蠻!」不過最終卻因自己身體不適而放棄與對方爭論。

事後,樓主便在網上大吐苦水指「想請問下大家,咁擺包紙巾係到係咪唔會知個位有人?如果真係唔知既,當人地表明返個位有人係咪都唔會讓返個位比人地?」並附上不願讓坐的男子的照片,更指「另外請大家小心此野蠻人。」

不過網民似乎不太認同樓主的做法,「紙巾留位又真係野蠻左,比著大部份人都唔會好態度,如果真係暈仲會走去買野飲?」、「其實我好憎人擺包紙巾就當係」、「我反而憎啲 X 街一早擺啲嘢喺個位度霸住晒, 仲要耐一耐都冇人返黎坐.你自私人哋一樣可以同你鬥自私.」、「痴線,放包紙巾就當霸左位!最憎呢啲人仲要放上黎話人搶左你個位!」、「影人上 facebook 聲大大覺得自己理直氣壯呢下掂!」、「 除咗對襪放係度嘛!包無人坐!」、「不如咁啦,下次樓主放低粒鼻屎喺張椅上,見到有人坐左,就同佢講:喂,椅上粒鼻屎係我架,你坐住左!包佢即刻彈起身讓返個位俾你!」、「成日突出自己當時頭暈又如何,如果覺得自己係完全啱嘅,根本唔需要搵呢個理由嚟支持自己。乜嘢都用嚟公審,又唔 post 下自己個暈樣出嚟?」、「佢當左 Starbucks 都有關愛座」。

不過,同時亦有網民分享及建議一個外出時的搵位方法,「買咗嘢先找位置比較安全 D !」、「一個人去搵位食飯係有一定嘅難處, 包括去搵位飲嘢, 加上樓主你本身係唔舒服, 頭暈要搵個地方坐低飲杯嘢抖下」、「其實可以試下叫附近嘅人幫你睇一睇,通常都會幫手嘅。」、「我建議你下次攞走銀包電話,放個袋霸位,如果冇帶袋出街就除件外套霸位」、「應該紙巾上寫「留座」」。

港女稱不適用紙巾霸位?買咖啡後發現座位被佔遂公審兩港男
樓主原文

港女稱不適用紙巾霸位?買咖啡後發現座位被佔遂公審兩港男
網民留言

【網絡熱話】

【網絡熱話】

Source:香港花生友@Facebook

相關文章

Page 1 of 11