香港 Apple Watch Series 4 心電圖 ECG 功能解鎖!網民:好想早啲幫老竇換錶

| Kay | 28-03-2019 11:41 | |

Apple Watch Series 4 推出半年的今日,終於將心電圖 ECG 功能的對應地區拓展至香港,本身已有 Apple Watch Series 4 的朋友,只要將 iPhone 作業系統更新至 iOS 12.2 版本,以及 Apple Watch Series 4 作業系統更新至 watchOS 5.2 版本,然後打開 Apple Watch 功能頁,按下心電圖 icon,之後跟着錶面指示就可使用。可能很多朋友因為早前 Apple Watch Series 4 未在香港開通心電圖 ECG 功能而選擇不入手,相信此功能一出,或會增加入手的理由,最少一眾在討論區熱談的巴絲打,就有這樣的想法。提提大家,Apple Watch Series 4 售價仍為 HK$3,199 起。

【相關報道】Apple Watch 心電圖功能香港有得用!檢測心房顫動透視心臟健康問題

【相關報道】Apple Watch 心跳異常通知功能「好心做壞事」?識破打麻將叫糊致流局收場

不少網友知道香港 Apple Watch Series 4 心電圖 ECG 功能解鎖後,已想立即衝去入手,更指「真嘅必買」、「不銹鋼靚到癲」,甚至有網友想為爸爸購買 Apple Watch Series 4,keep check 心臟功能外,也不忘盡展孝心。如此一來,說不定 Apple Watch Series 4 會是今年最熱門的母親節或父親節禮物呢!

不過,當中有不少舊代 Apple Watch 的用家,為應否升級 Apple Watch Series 4 而費煞思量。有網民指:「仲用緊 2 代無得睇心電圖,隻 2 代仲係無病無痛,走去換好似好浪費」、「用緊第 3 代,見佢更新好似 3 代都多咗咩心律不正監測之類」、「我都係 S3,搞到好想買 S4 不過宜家 S3 eSim 唔使加錢,心大心細中」之外,更有網民直言:「等 Black Friday 平入手算」、「Apple 而家未有血含氧,同血壓,可以等吓」,意味「遲買遲享受」也沒有壞處。

雖說 Apple Watch Series 4 心電圖 ECG 功能是惠及用家的設計,有網民覺得「多個功能自己 check 吓心臟,有咩事及早搵咗醫生先」,算是讓用家更注重健康的方法。可是有理性網民就覺得實際作用不大,「10 次先成功 test 到一次,用途不大」、「畀 $4,000 至 $10,000 去買 watch,不如入院大 check」。

網民有 Say:

增加入手理由

  • 真嘅必買
  • 好想早啲幫老竇換錶
  • 不銹鋼靚到癲
  • 感謝你,呢個星期就去買

還在思量是否購買

  • 出唔出返隻好,想再等第 5 代,但唔知等幾耐
  • 仲用緊 2 代無得睇心電圖,隻 2 代仲係無病無痛,走去換好似好浪費
  • 想用,但唔想入 Apple 個生態系統
  • 等 Black Friday 平入手算
  • Apple 而家未有血含氧,同血壓,可以等吓

其他網民留言:

  • 亞洲得香港先有
  • 最主要都係因為歐盟批咗可用 ECG 連帶香港都有得用,但係香港各公司又承唔承認相關 usage 同 data,可以用嚟 claim 保險就真係貴客自理
  • 多個功能自己 check 吓心臟,有咩事及早搵咗醫生先
  • 當初堅持買 AW4 唔出 AW3 無錯
  • 10 次先成功 test 到一次,用途不大
  • 我 fd 就 check 到小小心律不失常,但佢運動勁我好多,畀 $4,000 至 $10,000 去買 watch,不如入院大 check

Apple Watch Series 4 的心電圖 ECG 功能,終於拓展至香港!

使用心電圖 ECG 功能前,需將 iPhone 作業系統更新至 iOS 12.2 版本,以及 Apple Watch Series 4 作業系統更新至 watchOS 5.2 版本。之後然後打開 Apple Watch 功能頁,按下心電圖 icon(箭咀示)就可跟着指示使用。

一眾在討論區熱談的巴絲打知道香港 Apple Watch Series 4 心電圖 ECG 功能解鎖後,都想立即衝去入手。

【相關報道】微軟 Bills Gates「點燈」10 個 2019 年突破性科技 曲線撐 Apple Watch Series 4 心電圖功能?

【相關報道】傳 Apple Watch 下年增設睡眠追蹤功能 電池續航問題成障礙?

Source: lihkg

相關文章

Page 1 of 21