港女偷男友信用卡網購，事後還要搶先嬲嬲豬迫對方氹？厲害了！有港女向社交網站專頁投稿，剖白偷男友信用卡網購後，欲刪除交易紀錄，惟撞不中密碼未能登入男友的信用卡 app。男友發現信用卡被盜用，港女見事敗「自首」，竟先發制人搶先嬲嬲豬，霸氣質問男友為何不是使用女友生日或拍拖紀念日做密碼。嘩_！好狠恐怖呀~
#盜用信用卡係刑事
港女向 Facebook 專頁 十萬個激嬲女友的理由 投稿並成功被發帖，揭發這宗疑似刑事案件。事實上，專頁亦在帖子表示：「琴日收到個投稿，好恐怖，好恐怖，好恐怖........」，並加入幾個 hastag 包括：#女友投稿 #溫馨提示 #盜用信用卡係刑事嚟。
欲登入 app 刪交易紀錄
是這樣的，港女在帖子坦承，某晚趁男友入睡後，「偷用佢信用卡上網買嘢」！交易成功後，港女好奇是否能夠刪除交易紀錄，遂嘗試登入男友的手機信用卡 app。
登入密碼不是生日拍拖紀念日
港女：「點知個 app 有 6 位數字密碼，我撞咗我自己生日，拍拖紀念日，相識紀念日，三個都錯，跟住個 app 就封鎖咗。」
嘩_！小記嚇到花生未咬便咕嚕吞下，幾乎哽死鳥！
港女認偷卡兼搶先嬲
港女續稱：「今朝佢入 app 嗰陣終於發現俾人封咗，見紙包唔住火，我自己踢爆自己偷用嚟買野...」。
港女：「佢而家都未氹得翻我」
然後呢？「然後，我搶先嬲佢唔用我生日 / 紀念日做密碼，佢到而家都未氹得翻我」。
-_-" ……
港女澄清：「驚得濟先發制人」
該專頁補充：「女主角最新澄清：『其實平時佢都有俾我用，因為我冇信用卡，本身佢都俾左佢卡啲號碼同卡資料我，我唔係喺佢銀包偷卡咁離譜，只係我想入個 app 時撞密碼搞到佢封鎖左，我驚得濟先先發制人嬲佢』」，專頁並指：「言談間女主角仲好有心得，『我要發脾氣先我就是主 等佢冇得嬲』」。
網民：「天造地設的一對」
截稿前，帖子贏得 5,605 個 emoji 心情、1,331 個回應、385 次分享。港女偷男友信用卡網購，欲刪紀錄事敗，竟太驚「先發制人」搶先嬲，更招積炫耀男友至今未能成功氹番自己。巴打們有啲咩要注意？
有巴打表示：「我覺得要報警處理，呢啲係人格問題，偷野唔成仲要咁囂張？」、「千祈唔好放返出黎」、「我係條仔會直接同佢分手」、「信用卡有咩可能可以 delete 消費紀錄？你當 whatapp message 咩」、「希望呢件事只是虛構」。
有網民突破盲腸：「由呢件事可以睇清楚女嘅有幾咁 9，而個男嘅又會氹返佢係幾 on_（文字經過處理）,真是天造地設的一對，千其唔好分手，直接結婚啦 !」
絲打分享遭前度偷卡去打機
有絲打分享相同遭遇：「忽然諗起當年我個位所謂老公就係偷我張信用卡碌拎去打機，我收到 e-mail，好聲好氣問佢係咪碌左我張卡，係既都唔緊要但下次要講聲。佢唔認之餘仲大大聲 dlm 嬲左！好彩我已決心離開呢個家暴男」。
【精選消息】
【精選消息】
Source：十萬個激嬲女友的理由