網民熱談 Apple Special Event 大讚 Apple Card 好正!攻佔 FinTech 領域好正路?

| Kay | 26-03-2019 12:19 | |

Apple 在香港時間今晨(3 月 26 日)舉行的 Apple Special Event,雖然沒像預期一樣推出 iPhone SE2,但就一口氣推出 Apple News+ 新聞雜誌訂閱服務、Apple Card 自家信用卡、Apple Arcade 遊戲訂閱平台、Apple TV app 串流影片程式,以及 Apple TV+ 自家頻道,合共 5 大服務。在 Apple Special Event 完結後,一眾網民經已忍不住熱談 Apple 全新公布的 5 大服務,當中更有不少網民大讚 Apple Card 好正,並「期待 Apple Card 撃敗支付寶」。

【相關報道】Apple Card 玩 3% 現金回贈!踩過界夥高盛 MasterCard 推信用卡

【相關報道】Apple TV+ 群星拱照串流平台!史提芬史匹堡都撐蘋果自家製節目

綜合一眾網民認為 Apple Card 好正的原因,有以下數個:1)實體卡本身無印上 card number、CCV、過期日等;2)試問香港有邊張卡有 2% 以上回贈;3)又靚又高回贈;4)無遲還款費用、無過額罰款、無年費、無海外服務費等;5)卡身為鈦金屬。事實上有網民期待 Apple 這次跟高盛及 MasterCard 合作推出的 Apple Card,「能隊冧支付寶」之外,也覺得當中實體版的極簡外觀,的確是美得很想擁有。只是有網民大呻 Apple Card 也有其壞處,就是「香港未有」,以及「Apple Card Payment Gateway 唔係 Mastercard 係 Apple 自家嘅,佢無 card number CCV,即係如果個 online store 無接去 Apple 度你拎住張 Mastercard 乜都買唔到」。

之不過,也有網民看過 Apple Special Event 後,覺得全新公布的 5 大服務沒大新意可言。「得 Apple TV 似啲樣,但 Netflix 就全平台,Apple TV 就幾肯定無 Android 同 Chromecast」、「2019 仲要畀錢睇報紙」、「整合轉個名,又再攞出嚟發布」。可是當中都有網民力讚 Apple News+ 媒體內容夠高質,以及這次 Apple Special Event 是為將來品牌發展鋪路。「就算唔賺好多都可以係 branding,令你生活上各方面都用 Apple。同埋佢玩 tech 同 data 都勁過銀行,攻佔多啲 fintech 領域好正路」、「擺明係硬件無乜可以再突破,同時 fintech 開始跑出」、「而家市道好,佢又有錢,搞金融都不失為一個穩定增長嘅地方」。

部分網民留言:

  • 整合轉個名,又再攞出嚟發布
  • Apple Card 幾正喎,Apple News+ 都正喎,係香港無 X 得用咋嘛
  • 信用卡唔錯,期待佢隊冧支付寶
  • 全部都係但係香港未有,Apple Card 我想要呀,佢唔畀咋嘛
  • 得 Apple TV 似啲樣,但 Netflix 就全平台,Apple TV 就幾肯定無 Android 同 Chromecast
  • 仲有 Apple Card Payment Gateway 唔係 Mastercard 係 Apple 自家嘅,佢無 card number CCV 即係如果個online store 無接去 Apple 度你拎住張 Mastercard 乜都買唔到
  • 實體卡本身無印上 Card Number、CCV、過期日等,正喎
  • 2019 仲要畀錢睇報紙。Apple Card 想反攻支付寶啫,香港人個個有 Visa、Master 用乜 X 嘢 Apple Card
  • Apple Card 正喎,試問香港有邊張卡有 2% 以上回贈
  • 就算唔賺好多都可以係 branding,令你生活上各方面都用 Apple。同埋佢玩 tech 同 data 都勁過銀行,攻佔多啲 fintech 領域好正路

Apple 在香港時間今晨(3 月 26 日)舉行的 Apple Special Event,一口氣推出 Apple News+、Apple Card、Apple Arcade、Apple TV app、Apple TV+ 5 大服務。

有網民直言 Apple Card 實體版的極簡外觀,的確是美得很想擁有。

對於舉行不久的 Apple Special Event,網民除了熱談 Apple Card 外,也有感這次是為將來品牌發展鋪路:「就算唔賺好多都可以係 branding,令你生活上各方面都用 Apple。同埋佢玩 tech 同 data 都勁過銀行,攻佔多啲 fintech 領域好正路」。

【相關報道】Apple Arcade 全球首創遊戲訂閱服務 沒有廣告!毋須課金

【相關報道】【Apple Event 懶人包】蘋果發表 5 大全新服務:Apple Card、Arcade、TV、TV+、News+

Source: lihkg

相關文章

Page 1 of 21