果粉熱談「iPhone 6s 是否 Apple 最輝煌時代?」網民:iPhone 4 轉 iPhone 5 嗰年先係經典

| Kay | 22-03-2019 13:25 | |

早前 Apple 發布新 iPad 及 iPad Mini,以及低調在官網上架 AirPods 2 後,被不少外國果粉直斥 Apple 新品新意欠奉,甚至有開倒車的感覺。而在香港,也有忠實果粉在討論區出 post 力數 Apple 產品 3 大問題,兼問「iPhone 6s 是否 Apple 最輝煌時代?」因為該果粉有感:「嗰段日子應該係最多人轉會過 Apple」。

【相關報道】網民熱談 Apple 新 iPad Air 及 iPad Mini!「iPad Mini 價錢真係抵」

【相關報道】網民點評 iPhone XS / XS Max / XR 新機 「得 Apple Watch 4 代 ok!」

該忠實果粉指,自己在中學年代開始看 iPhone 發布會,由 iPhone 4s 時代開始看,每逢 Apple 有發布會都會挨眼瞓地看,並稱:「嗰陣時係真係覺得 Apple 有種魔力,有總好想要佢嘅產品嘅衝動」,而有感 2015 年推出的 Apple iPhone 6s、Apple Watch、12 吋 Macbook、iPad Pro 等產品,都是充滿話題性之外,也有客觀理由想入手的。可是,來到最近新推的 3 款產品都相當有問題,包括:「冇大廠風範嘅 iPhone Xs Max」、「更新得 8 吋但又支援第一代 Apple Pencil 嘅 iPad Mini」以及「除咗電池用耐啲同個充電盒可以無線之外,冇任何改進嘅 AirPods2」,讓這位忠實果粉大感失望。他更直言:「作為多年 Apple 忠實打手,都呼籲咁多位,唔好包庇 Apple,如果 Apple 跟住落嚟再出垃圾,就堅決唔好買」!

有份在這個 post 的網友,有部分是現在仍然使用 iPhone 6s 的用家,「仲用緊 6s」、「6s 用家表示仲用到」、「6s 仲完美使用中......一年換一次電,完全無 lag,咩問題都無」、「6s 2GB RAM 好用好多」,不過當中都有網民擔心:「希望下一部買得落手」,或許有感現在 Apple 的新 iPhone 難像從前有很想入手的誘因。

之不過,有更多網民認為,iPhone 6s 縱然是現時全球最暢銷的手機之一,但比 iPhone 6s 更舊型號的手機,才更值得讓人懷念。有巴絲打更不忘藉此回想當年:「出 4 嗰陣係有種高高在上,身份象徵嘅表現,好似有嘢發緊光但你唔係好敢接近咁,加埋當年 data 未係話好流行到每個人都會用,直到出 5 就真係每個人都想有一部」、「5s 先勁,拎部機出嚟覆個 message,隔離條友望到,問:你部機冇密碼?」、「我感覺好似 4s 有白色最好炒,啲同事喺公司長期 keep 住一兩條 iPhone 4s,一見今日個價好啲就拎條去放,過幾日又上網搶貨」。

iPhone 自 2007 年推出以來,不只改變大家使用手機的習慣,可能有部分人如同以上回想當年的巴絲打一樣,買 iPhone、用 iPhone、炒 iPhone 已成大家的集體回憶。不知大家當年是由那款 iPhone 開始用起呢?還是一直只當「果農」,只視 iPhone 為生財工具之一呢?

精選網民留言:

力讚 iPhone 6s

  • 6s 仲完美使用中......一年換一次電,完全無 lag,咩問題都無
  • 6s 2GB RAM 好用好多
  • 6s 個情況唔同咗,系統上同硬件上都堅硬咗
  • 以咁多代 C/P 值最高係 6s 同最耐用支援,到現今仲用得下,iPhone SE2 好似吹得好行會出,出就轉機完成歷史任務,6s 玩到 4 年算係咁啦
  • 6s 未換過電,仲係 iOS 9.3,想換機但又換唔落手

iPhone 6s 以下型號更值得懷念

  • 出 4 嗰陣係有種高高在上,身份象徵嘅表現,好似有嘢發緊光但你唔係好敢接近咁,加埋當年 data 未係話好流行到每個人都會用,直到出 5 就真係每個人都想有一部
  • 我感覺好似 4s 有白色最好炒,啲同事喺公司長期 keep 住一兩條 iPhone 4s,一見今日個價好啲就拎條去放,過幾日又上網搶貨
  • 5s 先勁,拎部機出嚟覆個 message,隔離條友望到,問:你部機冇密碼?
  • 4 轉 5 嗰年先係經典
  • 6 同 6s 係最大突破,但 4-5 代先係 SJ 真正想要嘅設計,到而家最好揸手都係呢隻型,所以有買 SE

最近有忠實果粉在討論區出 post 力數 Apple 3 大產品問題,兼問「iPhone 6s 是否 Apple 最輝煌時代?」

不少有份在這個 post 的網友是現在仍使用 iPhone 6s 的用家。

不過有網民則認為 iPhone 4、4s、5、5s 等舊型號推出的年代,更是 Apple 的全盛時期。

有網民更表示:「5s 先勁,拎部機出嚟覆個 message,隔離條友望到,問:你部機冇密碼?」

【相關報道】【集體回憶】巴打懷緬 Feature Phone 設計精彩變化多!網民:SE W 系列真係好型

【相關報道】【集體回憶】25 年前的夏天!由 Call 機至智能手機

Source: lihkg

相關文章

Page 1 of 20