遇上未知的事情，你會選擇勇敢地去探求真相，還是落荒而逃避之則吉呢？近日，連登討論區上有網民以「【好 X 驚】屋企木門防盜望出去變咗紅色」為題，表示自己屋企木門防盜眼望出去，突然變成紅色一片，更指自己唔敢開門查探，並衝了入房向網民求救。事件旋即引起一眾網民討論，更有多達千多個 like、800 多個留言。
【相關新聞】
【相關新聞】
樓主表示當時客廳已經熄了燈，去完廁所後一望出去即見到紅光，再細心一看紅光原來是由大門的防盜眼發出，更指出平時利用防盜眼可看到對面屋門口同走廊，現時望出去甚麼也看不到，只得紅光，嚇到樓主唔敢開門，並衝回入房中；再加上樓主影了兩張相，在「有圖有真相」的情況下，引來網民一眾討論。
有理性的網民留言問「係咪揮春遮住咗？」但樓主卻回答指沒有揮春貼門遮住。也有網民指其實是走廊燈壞了、又或是走廊燈箱後備燈，而樓主留言回答「係完全睇唔到嘢，得紅光。」更有網民忽發奇想，叫樓主 call「麥麥送」上自己屋企查探一下。
不過，絕大多數的網民也向靈異方向想，留言問「附近有人回魂？」、「是女鬼來的」、「樓主應該中咗招了」、「好不安，畀著我都唔敢開」、「呢單嘢其實都有 9 成中招」。再加上樓主後來已沒有再作回應，因此有網民向樓主表示「RIP」！直至早上，樓主終再次出現回應，除多謝各位網民留守陪伴外，亦 call 了管理員上來視察，而管理員則表示有可能是人為騷擾或惡作劇。樓主則表示會在家門口 set webcam，即使不是「靈異」事件，也可阻嚇一下痴線佬。
【相關新聞】
【相關新聞】
Source：lihkg