九巴 Volvo B8L Wright 新紅巴增設玻璃樓梯 網民憂着裙女士易走光

| Kay | 21-03-2019 13:47 | |
九巴 Volvo B8L Wright 新紅巴增設玻璃樓梯  網民憂着裙女士易走光

早前「KMB 九巴」Facebook 專頁公布新九巴「紅巴」Volvo B8L MCV 及 Volvo B8L Wright 的車身特色,並提到兩款新車都於明天(3 月 22 日)開始,行走 69X 路線(來往天瑞邨至佐敦西九龍站巴士總站)。車身改動方面,前者設置灰白色扶手,並配上 Lazzerini Ethos 超薄座椅;後者則在座椅上配上新式安全帶外,上層樓梯更改用玻璃樓梯設計,跟現有在英國倫敦行走的巴士一樣。之不過,有網民雖讚九巴 Volvo B8L Wright 新紅巴「樓梯型仔」,但就擔心着裙女士容易走光的問題,更問道:「玻璃樓梯設計係咪要着裙人士唔好上樓上?」

【相關報道】

【相關報道】

對於九巴 Volvo B8L MCV、Volvo B8L Wright 新紅巴的車身改動,網民除了擔心 Volvo B8L Wright 改用玻璃樓梯設計會否引起女士走光問題外,也擔心車身玻璃素材比以前多的話,會否行車影響安全,「如果被車撞。恐防玻璃到處散」。另外也有網民繼續大鬧新九巴座位極不好坐,「可唔可以用返舊款嗰啲凳!而家新款車嗰啲真的十分唔舒服」、「張座椅設計存在缺陷,架車幾靚都冇用(唔係人類坐的)」、「所有紅巴座椅都會弄傷乘客頸椎 / 傷害後腦」、「張椅個頭位咁 set 一定唔舒服都得......」,強烈希望九巴可以改善新車座位設計,不知九巴方面收到乘客訴求嗎?

精選網民留言:

  • 條樓梯型仔呀,但放長雙眼睇實有人投訴
  • 玻璃樓梯設計係咪要着裙人士唔好上樓上?
  • 小心春光乍洩,避忌吓
  • 玻璃樓梯又使乜驚呀,第時貼晒廣告,有嘢睇都難!
  • 倫敦巴士都係玻璃樓梯啦,又唔見啲人話有問題?!香港做就係錯,外國做就係有創意??
  • 可以上層整埋玻璃地板
  • 如果被車撞。恐防玻璃到處散。
  • 車身玻璃面積多咗會唔會影響安全?
  • 可唔可以用返舊款嗰啲凳!而家新款車嗰啲真的十分唔舒服
  • 新出嘅紅巴士,上層座位與座位之間嘅空間窄過舊款車,超級唔好坐

九巴 Volvo B8L Wright 新紅巴增設玻璃樓梯  網民憂着裙女士易走光
九巴 Volvo B8L Wright 新紅巴最大特色是改用玻璃樓梯設計。

九巴 Volvo B8L Wright 新紅巴增設玻璃樓梯  網民憂着裙女士易走光
從車外看玻璃樓梯設計,同樣一覽無遺,因此有網民擔心着裙女士走上上層時會有走光問題。

九巴 Volvo B8L Wright 新紅巴增設玻璃樓梯  網民憂着裙女士易走光
九巴 Volvo B8L Wright 新紅巴同時加裝新式安全帶。

九巴 Volvo B8L Wright 新紅巴增設玻璃樓梯  網民憂着裙女士易走光
另一款新九巴紅巴 Volvo B8L MCV,則改用灰白色扶手。

九巴 Volvo B8L Wright 新紅巴增設玻璃樓梯  網民憂着裙女士易走光
新九巴紅巴 Volvo B8L MCV 也改用 Lazzerini Ethos 超薄座椅設計。

九巴 Volvo B8L Wright 新紅巴增設玻璃樓梯  網民憂着裙女士易走光
新九巴紅巴設計似乎不太得到網民歡心,他們除擔心女士走光問題外,也問及車身玻璃素材比以前多的話,會否行車影響安全。

【相關報道】

【相關報道】

Source: KMB 九巴專頁 Facebook

相關文章

Page 1 of 11