近年香港人搵食、生活艱難，相信大家身邊有不少朋友常常大呻「好難夠錢買樓及結婚」，跟這位在討論區出 post 訴苦的巴打一樣。這位巴打因為跟女朋友一直有計劃想結婚，可是礙於「香港地好現實咩都要講錢，就算我哋有儲，都覺得好難先夠錢買樓同結婚」，於是在跟女友傾談期間偷偷垂淚，更覺得「自己好冇用」。此情此景，估計有不少巴打（或絲打）都遇過，難怪當中有消極巴打留言道「結婚買樓？直頭連拖到唔敢拍呀」，可見香港人對將來，有多前路茫茫。
【相關報道】
【相關報道】
一眾網民留言中，消極派及積極派的網友可謂各佔一半。有同樣跟樓主一樣灰到核爆的網民表示：「租唔係租唔起，亦都儲咗幾十萬，但同買到個距離爭好遠」、「喺香港生活真係慘，都算啦，仲要比啲老一代 XX 話我哋唔夠勤力」，甚至有網民強調：「你有本都冇用，人工冇番咁上下都唔駛旨意過到壓力測試」。一句到尾就是不用在香港想將來，因為根本就沒有將來可言。
之不過，正所謂：「山重水複疑無路，柳暗花明又一村」，有網友則認為人生這樣長，還是可以寄予希望的。針對樓主計劃結婚及買樓的難題，大可以「結咗先，用白表家庭抽」、「蠢啲就蠢啲，租住樓先，唔係嘅話，唔通 40 歲先結咩」。當中更有巴絲打認為：「買到樓唔代表成功同幸福嘅，買左咪一樣要供好多年，供樓一樣有壓力，按自己能力去搵適合自己嘅生活先係最重要！」
其實樓主只是 27、28 歲而已，還有大把青春，切勿輕言放棄，加油！
精選網民留言：
認為人生有希望
- 蠢啲就蠢啲，租住樓先，唔係嘅話，唔通 40 歲先結咩
- 買到樓唔代表成功同幸福嘅，買左咪一樣要供好多年，供樓一樣有壓力，按自己能力去搵適合自己嘅生活先係最重要！
- 你女人愛嗁係你，唔係你間屋，加油呀巴打
- 結咗先，用白表家庭抽
- 面對現實就要做現實能力範圍之內嘅事
同樣灰到核爆
- 其實都係好難，500 萬樓做兩成都要 100 萬，仲要你有本都冇用，人工冇番咁上下都唔駛旨意過到壓力測試
- 唉喺香港生活真係慘，都算啦，仲要比啲老一代 XX 話我哋唔夠勤力
- 唉 X，同樣問題，租唔係租唔起，亦都儲咗幾十萬，但同買到個距離爭好遠
- 結婚買樓？直頭連拖到唔敢拍呀
- 居屋超入息，私樓未買得起，而家香港好似無打算照顧呢班人，出去租樓萬萬聲，剩低唔知儲幾多件先夠上車
【相關報道】
【相關報道】
Source: lihkg