港女疑插隊「斷正」被勸喻 竟拒排隊拒登機迫地勤道歉

| 柔之拔 | 19-03-2019 23:08 | |

港女排隊登機疑插隊,遭「斷正」被地勤勸喻竟嬲嬲拒絕登機,累全機乘客等候?是這樣的,有自稱「地勤小薯」的網民,日前到社交網站投稿被成功發帖,「地勤小薯」分享了一宗駭人聽聞的港女疑似插隊上機個案。「地勤小薯」指事件已經發生了很久,他亦已離開了該航空公司,惟「地勤小薯」仍氣難下。懷疑在「不能只有我受氣」的前提下,「地勤小薯」決定把事件張揚。

不能只有我受氣

Facebook 專頁「西客之道 Hispitality Secret」日前發表了「地勤小薯」的帖子。「地勤小薯」表示,事發當天,他在 airside 負責為客人在上機前,再核對一次客人證件。他表示習慣 set 定 queue 區分不同級別的客人,也讓客人知道在哪裡排隊。

當乘客陸續登機,越來越少客人排隊等候上機,「地勤小薯」遂「拆 queue 唔使客人兜太後去排隊。雖然越來越少人,但都仲係要排隊等過機。」

港女插隊快夾狠

小薯指出,突然有一名「港女」在排隊人龍中間,攝咗入去,攝了在一對夫婦中間!被排在港女後面的丈夫,用無奈既眼神望著「 地勤小薯」,示意「地勤小薯」叫港女排隊。就這樣,上映了一場經典的地勤鬥港女,唇槍舌劍。

港女 vs 地勤

港女:下?您無野呀 ?您邊隻眼見到我無排隊?

地勤:嗯...小姐,您望下後面其實都仲有幾位客人

港女:您咩態度?我依家就唔排隊唔上機 ![然後佢就好型咁坐埋係一邊 ]

終於,所有乘客都已登機,只剩坐在一角的嬲嬲港女。

「架兩」介入

地勤指,有另一位同事「架兩」叫佢上機,港女向「架兩」大嗌 ;您個同事話我唔排隊呀嘛,我家下心靈受創呀,我要佢同我鄭重道歉,講對唔著同唔好意思。

架兩:小姐,我諗都係小誤會唻既。嗱真係唔好意思,咁我邀請您上機。 

港女霸氣:我要佢同我講,唔係您。佢唔同我道歉我唔上機。

地勤:小姐,係咪仲未決定去唔去?因爲所有客人都上晒機,所以要盡快決定啦。

經理爆 seed

與此同時,經理爆 seed:Boarding no xx 可以搵定行李,準備 offload。 

港女:同我講對唔著!

地勤:嗯,因為係呢件事上我唔係好明白我邊方面上做錯,所以我係唔會同小姐您道歉。另外想問小姐到底上唔上機?

港女:您咩態度?我要投訴您!

地勤:絕對可以。我叫 Small potato, staff no 12345 。小姐決定唔上機既話,咁我地轉頭會幫您處理其他手續 ,麻煩您繼續坐係度等一等。

港女:邊個話我唔上機?

「地勤小薯」在文末表示:「(港女)最後都係死死地氣行去閘口上機」。

就地勤的經歷,不少網民讚揚地勤,認為客人太過份,有網民大讚經理,指「經理嗌準備 offload 行李好正」,單單此回應已獲超過 400 reaction。有網民就表示:「俾機長聽到分分鐘到佢想上機嘅佢都唔俾佢上。」有人就仔細分析,表示「佢唔上機最多只係要用少少時間去 offload 佢件野。最多都係成班機 delay 一個半個鐘。比佢上左機。係短程都易捱啲。長途嘅話」似乎網民一面倒認為乘客太過份。

【精選消息】名字叫「Abcde」被嘲笑!地勤上載女童登機證呃 like 被投訴

【精選消息】印尼三佛齊航空想帶 2000 公斤榴槤一起飛 乘客全部拒登機

Source:西客之道 Hispitality Secret

相關文章

Page 1 of 21