霸氣車主 3 車檔路大戰沙田第一城鎖車隊!網民讚:起碼人家有勇氣去反抗

| shiuhk | 18-03-2019 12:54 | |

沙田第一城又被戲稱爲「鎖車城」,旗下鎖車隊出了名鎖車速度極快,就算車主落車買個麵包,不到兩分鐘回來都會發現已經被鎖車,速度媲美 F1 賽車換軚。既然不想硬食贖車款項,不少車主都會選擇避之則吉,寧願忍一忍去附近油站才停車購物、上厠所。想不到,今日一名霸氣車主被鎖車後,就嬲到直接揸多兩架車來擋路,決心大戰「第一城鎖車隊」!

【相關報道】電單車違泊被掛多個牌問候!網民:新景點「黃埔許願車」

【相關報道】【車 Cam 直擊】又一村「碰瓷黨」再現!阿婆連人帶喼撞向車

網民在 Facebook 群組「馬路的事討論區」直擊出帖,表示有車主不滿愛車在第一城被鎖車,一怒之下就坐的士回家並揸多兩架車來封路,更明言自己係商人所以「大把錢」。據樓主解説,這條路前方有老人院,救護車會經此出入。所以第一城鎖車隊面對此情況很快就叫了拖車,準備一次過拖走 3 架車。附近居民見到情況如此壯觀,都不禁停下來圍觀。樓主更表示,拖車勾起其中一架車時車鎖撞花了車底,不知霸氣車主會否借此要求賠償。這個戰況持續了 2 小時左右,最終鎖車隊成功利用拖車開路。

霸氣車主 3 車檔路大戰第一城鎖車隊。

最終還是被拖車成功開路。

網民對此有讚有彈,有不少鎖車隊「受害車主」留言大讚:「真係有錢玩盡佢呀,唔好輸呀」、「做到野,玩 _ 第一城」、「個敵人係鎖車隊,起碼人家有勇氣去反抗,團結少少啦車主們」、「撞花車底?咁好玩囉」、「撐!第一城鎖車公司實在太 _ 街!」、「阿叔今次型到盡」、「勁,有錢有車唔怕玩」、「其實真係好有霸氣,有錢係唔同啲,為啖氣可以去到咁盡」、「車主識玩,話『車鎖』撞花左車底,比返封律師信管理公司 claim 返三五七萬」、「第一城鎖車隊真係好盡責,我都好想打鑊佢」、「霸氣!去劏房車買 20 部塞爆佢」、「我撐車主呀,good job!」

然而有網民就嘲笑說:「你車多定我鎖多!?」、「一個充滿銅臭嘅屎忽鬼」、「個車主咁威,唔知下午會唔會再揸 3 架落去 _ 泊呢」、「大陸人作風」、「鎖咗就唔要架車先叫有錢,鎖左再揸兩架嚟叫小氣」、「咁有料,直接揸大貨車撞入管理處,咁就精彩!」、「係玩嘅,租兩架挖泥機嚟吖嘛」、「叻嘅咁有錢嘅,係就搵幾架泥斗黎,係路中心落泥」、「拖埋一邊再鎮多次」、「好短時間就可以亂泊?」、「有錢又點,無品」大家又覺得呢?

【相關報道】全車慘被黐滿貼紙!違泊電單車變「藝術品」?

【相關報道】「偷車神器」殺入香港干擾鎖車系統?方保僑建議 3 招自保

Source:馬路的事討論區ATENVIRO

相關文章

Page 1 of 18