商務疑 HK$2000 聘全職實習生日做 9 小時!學生直斥:厚顏無恥

| WINKYC | 15-03-2019 18:55 | |

每年的 3、4 月也有不少即將畢業的學生為暑期找尋實習工作,今日(3 月 15 日)有自稱學生的網民,在 Facebook 專頁「CUHK Secrets」匿名發文,指責商務印書局的實習生計劃內容,要求實習生「朝九晚六星期一至星期五,每日一百蚊翻九個鐘」,但只有每月二千蚊,根本不足以應付車費食飯錢,直斥商務印書局「厚顏無恥」。

貼文又勸喻同學尊嚴比實習經驗重要,讓大家團結才可以改變各公司對實習生的待遇,而且附上商務印書局的招聘公告。

貼文全文如下:

【其他報道】九巴解釋「霸氣回應」事件!籲大家搭九巴時要有公德心

從貼文者貼上的疑似商務印書局實習生招聘公告,工作頭銜是「Editorial Assistant」(編輯助理),工作內容是翻譯、校對、資料搜尋及創作,包括教學材料。工作日數是一週五天,工作時間由 0900 - 1800,實習津貼是每月 HK$2000。

事實上根據《最低工資條例》(第608章),實習學員於工作前簽定「實習學員身份確認書」及滿足一定條件,將不受《最低工資條例》保障。ezone.hk 已就事件向商務印書局了解,暫時未獲回覆。貼文下的留言大部份均支持樓主,亦有人指無須為出手低而憤怒,大可以欣然拒絕。

部分網民留言:

  • 啲人真係痴_線,港奴就係咁養成。乜都唔識去做m記都有最低工資啦。壓價一係就話冇價值,一係就鬥慘大會。冇價值你請個人返嚟擺?香港租金咁貴,空個座位比你,仲要比你學野,咁係咪要交埋學費先合理呀?你份intern冇人工拎出嚟玩鬥慘大會,係咪覺得自己食得屎好叻?都係做政府intern好,起碼有出面pt人工,唔洗比人剝削仲要謝主隆恩。(文字經過處理)
  • 實習經驗真係大曬咩,咁嘅工時一個月得兩千蚊所謂internship allowance,擺明係廉價勞工
  • 三中商最近唔夠維穩費手頭緊咩,陰功咯
  • 佢又唔系社企,又冇呃您,明買明賣,您對公司無value,人哋自然唔會reward您
  • 你確保人勞工唔係奴隸?
  • 見到個一下,真心想報警
  • 呢個世界上大把呢啲實習,冇錢都有人做
  • 佢出手低唔洗憤怒嘅,畢竟人哋都係比個機會你做嘢,你reject唔要去咪得,太低人工自然冇人去做,真係有人去做嘅果個抵佢賺咁少。
  • 不如tag埋班出ward無錢收仲要shift 嘅nursing student出黎?

【其他報道】大媽廣場舞襲屋邨 TVB 直擊揭發!導師竟違法收「充電錢」大賺?

【其他報道】WhatsApp.FB.IG 全球死機近 14 小時!原因竟與系統配置有關?

Source:CUHK Secrets

相關文章

Page 1 of 16