九巴解釋「霸氣回應」事件!籲大家搭九巴時要有公德心

| TT | 15-03-2019 17:55 | |

昨日(14 日),一名女網民在九巴的 Facebook 專頁上留言,表示自己不滿九巴新車廂的衛生情況,留言「新又點?都無人清潔嘅」,竟然獲得九巴專頁管理員的霸氣回覆「清潔又點?都無公德心嘅」。九巴的霸氣回覆,已於昨日引來不少網民熱論,有網民猜測九巴的 PR 入錯 account 回覆,又有網民笑稱 PR 「發晦氣」,不過到底為何 PR 會一改以往回覆的態度,如此霸氣地回答乘客的意見?

14日的女網民留言,被九巴霸氣回應

【相關報導】港女不滿車廂「新又點?都無人清潔嘅」遭九巴專頁疑似發晦氣神回覆大獲正評

【相關報導】九巴推「紅巴 2.0」升級版車廂!網民鬧爆新座椅一睇就知唔好坐

今日(15 日)下午 4 時左右,九巴再次在自己 Facebook 專頁上發文,澄清昨日 PR 霸氣回覆的「真相」。九巴以「唔開心又點?都無人關心」為題,指昨日見到該名女乘客的意見後,忍不住用一個「霸氣 mode 」去回應,嚇親網民,更以 emoji 雙手合十的符號表示歉意,之後又指「不過九巴仔咁唔開心係因為我哋嘅清潔工友每日為咗大家有個乾淨車廂,不辭勞苦咁工作,希望大家體恤吓佢哋」 ,以另一個方法向各網民表示其實九巴每日都有安排清潔工友打掃車廂,但可能因為部分乘客沒有公德心,留下垃圾,才會讓個別乘客懷疑九巴沒有清潔車廂,並在該帖呼籲乘客「一齊愛護車廂!做個有公德心嘅人」。之後更 Tag 香港政府的衛生宣傳物,「清潔龍阿德」,並反問「講起清潔,阿德你可唔可以都幫我哋宣傳下巴士上要有公德心呀?」

香港政府的衛生宣傳物,「清潔龍阿德」

對於九巴以如此特別的方法去回應,以及宣傳要保護車廂清潔,令不少網民相當受落,此帖發佈不到 1 個小時,已有不少網民留言,「正呀喂!繼續霸氣丫!有道理就可以大大聲話畀人聽你串得起架喇」、「呢獲 PR 嬴哂」,「剛剛先睇緊呢單新聞,甘快就抽水,公關好野」、「寸得好」、「九巴今次好波」、「九巴仔你係得嘅!」、「今次我絶對認同九巴回應!!!香港嘅巴士已經標明不准飲食, 不准㩗寵物上車... 但每每總有人犯規, 仲要耍惡!!希望每位搭公共交通工具嘅乘客都學會自律一下」、「今次好呀!唔係一定要接受投訴嘅,乘客唔啱都要出返聲架」、「九記好波」、「九巴無得頂」。

大多網民對九巴是次宣傳手法表示受落

大多網民對九巴是次宣傳手法表示受落

被九巴 Tag 的「清潔龍阿德」一樣有出面回應,「宣傳又點?都無人肯做嘅」,九巴之後亦再次回覆「無人肯做又點?都係要教嘅」,其實公德心真的很重要,希望網民看到此帖後不要只是「食花生」,應該身體力行去保持車廂清潔!

九巴原po

【相關報導】九巴女司機行錯路竟高速公路倒車!九巴:嚴肅處理採取紀律處分【有片睇】

【相關報導】九巴終表態指關愛座人人可坐!網民:某些人覺得必然屬於他們

Source:KMB 九巴專頁@Facebook

相關文章

Page 1 of 16