九巴推「紅巴 2.0」升級版車廂!網民鬧爆新座椅一睇就知唔好坐

| TT | 13-03-2019 17:29 | |

九巴從以前金色的車身,變成現在紅色英倫風的「紅巴」,原來已經一年。今日(13 日)九巴在 Facebook 宣布將會推出升級版的「紅巴 2.0」,最快會於明天(14 日)投入服務,59X 路線會率先試行。九巴指升級版的「紅巴」會有 6 大更新位,首先座椅會變成超薄設計,空間比以前增多,長腿一族會坐得更舒適。另外,新座椅的重量較之前的輕 2 至 3 成,可減輕巴士的負重,亦可減少耗油量,更環保。

紅巴2.0會於3月14日投入服務

超薄座椅被網民鬧爆

【相關報導】KMB 九巴大富翁特別版開箱率先玩

【相關報導】KMB 首設 HK$2 九巴大專優惠站 適用逾 400 條巴士路線

不過網民似乎對這項新設計不太受落,指「超薄點會好坐」、「新快餐椅」、「薄左咪仲感受得到後面膝頂椅背既威力囉」、「超薄 dom 就驚喜,超薄櫈就唔好獻醜」、「低能. 明明比舊車加多左一排, 仲好意思話"等長腿一族可以坐得舒服啲!" ?」、「一睇就知唔好坐」、「條腰好似罰企咁,點會好坐」、「背板可唔可以用鋼板?或者背後加釘。你知啦,被人頂住個背脊會引起不安!」、「太直,應該向後傾斜少少先坐得舒服」、「 Comdom 咩依家...?超薄.」、「薄未必一定唔好坐」,雖然有人指出薄款座椅不一定差,「新巴城巴新車嗰款凳都好薄 但幾好坐」,不過網民亦指「眼見未為真」,看上不太舒服,但實
際上的感覺,還是要試坐後才知道。

部分網民留言

至於「紅巴2.0」的其餘 5 個更新位分別包括,加厚樓梯防撞墊,上落樓梯更安全、樓梯照明燈,方便夜間乘客上落、動態乘客資訊版,清楚顯示巴士路線圖及到站時間、無線落車鐘,減少使用電線,節省能源和重量及路線顯示屏變 LCD 牌,顯示的資訊可更多更清晰。明天「紅巴2.0」便會投入服務,大家可體驗一下這 6 大更新位有否變得更人性化。

上落樓梯更安全

方便夜間乘客上落

清楚顯示巴士路線圖及到站時間

減少使用電線,節省能源和重量

顯示的資訊可更多更清晰

【相關報導】《KMB APP 1933》搵路送 iPhone 等神秘禮品

【相關報導】KMB:今年底前有 70 輛紅色九巴服役

Source:KMB 九巴專頁 Facebook

相關文章

Page 1 of 18