【有通告】中六謝師宴出席 $800 起不出席 $350 起 網民:成班老師揀地方食飯 叫學生埋單

| 柔之拔 | 10-03-2019 17:58 | |

是這樣的,臨近學期尾聲,本地學校中六級都紛紛展開了謝師宴籌備工作。日前在網上討論區與 Facebook 群組,有網民不約而同上載了兩間本地學校的中六級謝師宴通告,揭示了當世謝師宴文化實況;例如可從通告比對推測「謝師宴公價」,原來出席者要交 HK$800 起,不出席都要交 HK$350 起(附正氣理由如下),赤貧又唔使俾等等,相當頂癮。

網民:要班學生請自己去香格里拉食飯

網民「牛油堅果」日前在 LIHKG 討論區發帖,題為「阿妹今年中六, 啱啱佢拎呢張謝師宴通告出黎」。樓主在帖子表示:「叫老豆比錢佢, 點知老豆睇完, 捉左老母入房, 成粒鐘先返出黎」;並上載圖片如下。

從圖片目測,是某書院的一張謝師宴通告。該則通告嚴肅表示,中學畢業乃人生重要歷程之一,為使同學能與其共勉之學友一同分享這份溫馨的喜悅,以及對授業之師長表示謝意,故中六級班主任會從旁協助同學們籌辦畢業聚餐云云。

缺席要俾錢 理由很充分

謝師宴地點是九龍香格里拉酒店。重點,出席者,HK$980,不出席者 HK$350。嗱你唔好問候別人點解唔出席都要交費,絕對有正氣理由,通告是這樣註明:唔去都要俾錢是因為「以作宴請老師和購買紀念品予學校之用」,理直氣壯,充滿道義,你唔是唔俾呀嘛?

赤貧可減免

留意,通告溫提,根據教育局指引,凡於本學年領取全額書簿津貼、綜援、或赤貧的學生,均有資格申請全方位學習基金資助,以減免本活動部分所需費用。

網民上載謝師宴通告,揭示當今中六謝師宴文化實況,有圖有真相,除非唔係。

截稿前,帖子贏得 1,021 個正評,26 個負評。有網民表示:「要班學生請自己去香格里拉食飯 冇_野呀?班老師忽上腦呀(文字經過處理)」、「唔去都要迫人畀錢 而家香港學校咁玩法?」、「成班老師揀地方食飯 叫班學生埋單」、「睇到邊間中學啦」。

以前用個心 依家寫到明 時代變了

此外,網民 Patrick Lam 也在「‎巴打絲打 Facebook Club」面書群組發帖,表示:「謝師宴唔去都要強行收四舊」,並上載圖片如下。從圖片目測,也是謝師宴通告,唔去 $400,去就 $800,「速磅至夠格」!

截稿前,帖子贏得 1,148 個 emoji 心情、1,042 個回應、99 次分享。有網民直指:「咁唔大方都有嘅 咁功利主義嘅!」、「明搶」、「唔俾咁點?咬我呀?」、「我讀書果陣,嗰嗰都係用嗰心黎出(金錢),唔會寫到咁樣叫人俾錢,我果陣全班都有出席謝師宴」、「係咁架喎,想當年也是這樣,所以去好過唔去啦」、「起碼以前 D 老師都唔會咁講喇」。

網民上載謝師宴通告,揭示當今中六謝師宴文化實況,有圖有真相,除非唔係。

【精選消息】5 星酒店食謝師宴冇冷氣致食物變壞!網民:班學生當時又唔出聲?

【精選消息】聖保祿中學畢業生 Last Day 留校拍照!老師報警告阻街激嬲學生?

 

Source:LIHKG討論區, 巴打絲打 Facebook Club

相關文章

Page 1 of 21