港媽要求商場職員開輪椅升降機畀小朋友「體驗」!網民:「咩家教?」

| hazelxxc | 08-03-2019 17:22 | |

近日 Facebook 專頁「西客之道」發帖文,有商場職員表示上班時遇到一位港媽的無理要求。該名家長要求身為職員的樓主開輪椅升降機給她的兩位小朋友「玩吓」,即時令樓主感到非常無奈。期後樓主解釋輪椅升降機只供有需要的傷殘人士使用,拒絕要求。不料竟遭該名家長大罵,指:「小朋友想體驗吓都唔得!」帖文在網上瘋傳,大量網民對該港媽表示不滿。

原文如上

帖文全文如下:

我做商場 CS(顧客服務),商場有幾部輪椅專用嘅升降台,平時會鎖起,等有人需要先會開返。今日有個女人嚟叫我開部升降台,我去到問輪椅係邊,個女人答無。個女人續稱,小朋友好奇想玩吓,然後兩個小朋友係度嗲我:「叔叔開畀我用啦。」但因為已經有大大個牌寫住「只供輪椅人士使用」,而且個個都話玩吓就要開咁仲得掂嘅。我就話:「咁樣唔開得喎」仲指住個牌同佢講升降台只限輪椅用。跟住小朋友開始同佢老母扭計,然後個老母就 XYZ 我,有冇搞錯,叫你開部 lift 都懶乜乜乜。我無佢咁好氣,返埋位坐算數。

圖片來源:西客之道

帖文發佈後在網絡上大量瘋傳,有網民大罵:「咩家教?」有網民更表示:「 打跛個仔對腳咪有得體驗囉!」、「幾時見到架黑箱車又想體驗吓?」網民對於港媽的行為大表不滿,認為她應該教導子女正確價值觀,而不是為了不想子女鬧脾氣就去滿足他們無理的要求。

輪椅升降機只供有需要的傷殘人士使用。

網民鬧爆!

【相關消息】大媽急症室除鞋放腳上凳!港媽好心勸阻反遭毆打

【相關消息】無品港媽為報復教仔整斷餐廳所有牙籤!侍應嬲爆:未考牌就生仔叫非法懷孕

Source: 西客之道

相關文章

Page 1 of 21