馬鞍山發生「陌生女子懷疑跟蹤幼稚園學生」事件！港媽 Ling Au 今晨（3 月 2 日）在 Facebook 群組發帖，表示她與孩子日前被一名陌生女子跟蹤；並隨帖子上載該名陌生女子的圖片（如下），溫提網友要小心。港媽曾大膽質問陌生女子所為何事，又指陌生女子觸碰到其孩子。港媽隨後發現，她的手袋以及孩子身上，竟然多了一些銅錢……。
港媽在「馬鞍山之友」Facebook 群組發帖，題為「請住喺馬鞍山嘅朋友們小心相中人，尤其係有小朋友嘅家長請注意」，隨帖子上載幾張圖片。從圖片目測，有一名陌生女子走在小童後面；另有「嘉慶通寶」銅錢。
「緊貼孩子背後」
港媽在帖子憶述事件。她稱本周一約下午 4 時 30 分，與孩子（大爺）被一名陌生女子從恆安商場 3 樓一直刻意隨後跟蹤至學校門口，「當時我同大爺正並排搭緊扶手電梯，此人非常緊貼著大爺背後」。
去到邊 跟到邊
隨後，港媽與大爺走到人流較少的獅子廣場，港媽故意讓大爺在廣場跑來跑去，並站在旁邊觀察。她發現陌生女子扮若無其事在附近徘徊。當港媽與大爺繼續走到另一個人流較多的地方，陌生女子又再緊隨其後。港媽遂叫大爺一起坐在長櫈上，陌生女子繼續扮無事，還緊貼著其他小朋友。於是港媽與孩子返回學校暫避，陌生女子又跟隨著。
當面對質
差不多到學校門口時，港媽終於沉不住氣，回頭大聲反問該名陌生女子~
港媽：「你跟完我哋未？？？究竟發生咩事要跟住我哋？？？」
陌生女子：「條路你行哂㗎！你又知我跟住你！？」
港媽：「咁需唔需要報警呀！！！」
孩子身上有銅錢
此時，大爺不小心被陌生女子從後碰到後頸位置，港媽緊張了，便立刻推開陌生女子。港媽：「之後她越過我們一直走，我讓鉑琛（編按：大爺乎？）先到學校門口等老師開門，而我就上前幾步用電話拍下該陌生女人的相片，之後回到學校我便跟老師告知整件事情的經過！」
港媽續稱，當老師幫大爺整理校服時，無意中發現一個銅錢從大爺身上跌出來。幾天後，當港媽清理「斜咩袋」時，也發現其中一個無拉鏈嘅袋口有個銅錢。
她在帖子末再三叮囑：「所以大家同小朋友出外時要小心」。
網民：「嘉慶通寶值百萬」
截稿前，帖子贏得 555 個 emoji、339 個回應、2 次分享。有網民表示：「可能佢睇到啲你睇唔到嘅嘢，可能係幫緊你」、「樓主就咁掉左佢就得」、「跟返個女人返屋企，每曰擺返一個銀幣喺佢屋企門」。
有網民提到銅錢：「如果真係嘉慶通寶，原來值 100 萬，佢可能係送錢比你使」。
「我撞過依個癲婆」
有網民表示也曾遇到這個陌生女子：「我撞過依個癲婆！有次係恆安買完嘢食遇到佢，我見佢望住我，以為佢想問路定咩，點知條癲婆掉咗個銀落我袋！因為我個袋口大，想避都避唔切，當時亦唔知佢掉咩落我袋，我都嚟唔切反應佢就走了，諗起都覺得自己蠢。大家係恆安出沒要小心！」
港媽補充：「其實我事隔一日後，帶小朋友返學途中，迎面遇到佢……佢當時講緊電話，但佢嘅衣著同精神都同一個正常人無分別，而我就一直緊握住小朋友隻手，同個女人保持距離」。
【精選消息】
【精選消息】
Source：馬鞍山之友 MOSers (Since 2014)