港媽手抱 BB 行未知的山路被公審 網民:做人父母要考牌

| 柔之拔 | 15-02-2019 07:05 | |

是咁的,行山本是有益身心健康活動,然而攜同手抱 BB 一起勇闖從未踏足的山路,又是否明智?Facebook 專頁「Wow 山界娛樂台」日前發帖公審一名疑似港媽,譴責港媽手抱 BB 行未知的山路,還要在社交網站炫耀,是絕對不負責的行為。不少網民認同,直指涉事港媽「虐兒」、「無腦」、「爆咩林啊,去爆房咪算囉」、「做人父母要考牌」。

帶 BB 爆林爆山不負責任

該專頁帖子表示:「今次本台第一次爆金金以外嘅人!話說山界北韓近排有一位媽媽,經常孭一個幾個月大嘅 BB 行山,親子郊遊本應係賞心樂事,但帶一個 BB 爆林爆路,行未知嘅路段,絕對係一個不負責任嘅行為!」

「增加救援難度」

帖子分析港媽帶 BB 行山的潛在危險:「首先爆林啲樹枝容易令 BB 受傷;第二,帶 BB(留意係未識行嘅 BB),爆林行未行過嘅路段,路況又唔清楚,距離又唔知,有意外時增加救援難度!」

帖子指出:「有好多人話條路冇林爆,咁一係呢位媽媽夾硬搵嘢爆,一係吹水唔抹嘴!」

帖子最後以 #妖那媽 hastag 作結。截稿前,贏得 70 個 emoji 心情、20 個回應、 13 次分享。網民針對港媽的兩個問題討論。

港媽手抱 BB 行未知的山路遭網民公審,更被質疑是否「行咗 20 公里路」。

網民:「一步五米?」

1 港媽在帖子指「今日行咗 20 公里路」,但網民計算港媽列出的路線,加起來僅 8.4km,更質疑港媽聲稱用 3 千多步行 20km 山路是說謊!

網民表示:「其實事情好簡單。第一,佢話佢行左大約 4000 步距離 20KM (即係 5 米一步)嘩,恐龍咩」、「3 千幾步行到 20K,我都係行得 2k,佢對腳一定長過我十倍。」

「BB 好慘」

2 港媽承認手抱 BB「爆林爆山」,行「未知」的山路,遭網民直斥不負責任,太危險!

網民狠批:「咁細個唔跌親,曬親到唔好啦,佢又唔識講你知佢中暑,口乾,做人父母真係要考牌」、「我都覺得對個 bb 好唔公平!bb 皮膚咁幼嫩你同佢搽太陽油都可能會影響 bb 皮膚啦!呢啲就係阿媽嘅自私行為況且張張相都有佢個大頭樣!」、「虐兒、無腦」、「BB 好慘」、「爆咩林啊,去爆房咪算囉」。

專頁管理員也怒斥:「一直佢影相呃 like 就由_佢,但去到帶 B 爆林,真係唔爆佢唔得!(文字經過處理)」,有網民和議:「我淨係想講佢 d 相冇揀過影咁多張一模一樣既車頭相放喺個群組呃 like 當係自己私人相簿真係想嘔」。

港媽手抱 BB 行未知的山路遭網民公審;網民質疑港媽是否真的行了 20km 山路。港媽坦承「有爆路」,而且好多路段未行過,加起來就有 20km 路程。

港媽手抱 BB 行未知的山路遭網民公審。港媽表示想女嬰多接近大自然,身心健康。有網民好奇港媽何來這麼時間常常行山,又擔心山路「跣」,問港媽如何平衡。

港媽手抱 BB 行未知的山路遭網民公審;港媽不斷被質疑是否真的行了 20km 山路。

【精選消息】攜 32 歲兒子看醫生無帶證件!港媽爆粗發難:佢係處男仲係細路

【精選消息】港媽帶小孩坐飛機被投訴以「小朋友玩下咋嘛」要包容!反被後座大叔一句 KO

 

Source:Wow 山界娛樂台

相關文章

Page 1 of 21