是咁的，馬鞍山戲院傳今年內結業，網民嘩然。座落馬鞍山新港城中心的馬鞍山戲院，全港僅此一間、獨立營運；由於票價比市面低、加上只接受現金付款、不設網上及電話售票、僅有 Facebook 專頁而沒有其它宣傳渠道，有性格之餘不失諧趣，因此有良心戲院之稱。然而 1995 年開業至今的這間馬鞍山戲院，在近年有復甦跡象的香港戲院業大環境下，馬鞍山戲院竟然反高潮難逃結業倒閉厄運？ezone.hk 記者分別致電及藉專頁向馬鞍山戲院查詢結業傳聞，惟截稿前未獲回覆。
開業逾 23 載 獨立營運
網民 Mui Mui Alfa 日前「喺馬鞍山戲院」「覺得沮喪」；仍不忘在 Facebook 群組「馬鞍山之友 MOSers (Since 2014)」發帖。樓主在帖子表示：「馬鞍山戲院將會新年後結業，要看就要快！更新，應該係話今年內會結束！」；並留下幾個 hastag 包括：#戲院還是戲院 ＃已經回應了戲院去向 ＃馬鞍山戲院。
網民：有戲院取代
截稿前，帖子已贏得 1,160 個 emoji 心情、381 個回應。網民驚訝哭崩，踴躍留言。有網民表示：「如果轉手，一定要捱貴戲」、「超大鑊」、「唯一既娛樂都沒埋，真係沙漠.」、「已經好多人支持，加價後仍舊支持，咁都要執，個新港城可以唔使去喇」、「好似話會有另一間戲院取代」。
有網民分析：「會唔會係租太貴，票價又比市面低，做唔住」。
有網民淡定：「記得唔知邊一年又有人講過 最後咪仲係係度」。
有網民向好看：「會唔會變 MCL 佢地近年主玫（攻）細影院 雖然變為連鎖，但有會員制都唔係唔好既」。
有網民突破盲腸：「馬鞍山戲院係安樂有份，現任嘅所謂老闆其實本身係安樂高層。如果佢退休，安樂自己接返嚟做唔出奇。不過商場呢啲場地，通常會開放俾咁多間公司去bid嚟做。某程度上，易手都唔係壞事，因為戲院設備一般會更新吓，只希望票價係合理水平。」
不設網上及電話售票
馬鞍山戲院座落馬鞍山安祿街 18 號新港城中心商場 2 樓；馬鞍山戲院每日 10:30am 前只售當日早場、只接受現金付款、不設網上及電話售票 -戲院預售為三天(今、明、後)。
【精選消息】
【精選消息】