如果多留意網絡話題，也許已知道早前在連登討論區，有巴打表示「床褥太大冇得換」，最後竟然用磨機鋸細床褥。想不到香港 IKEA 的「潮流」觸覺相當敏銳，成機借此事力 Sell 公司的 100 日試用服務，隨即獲得網民大讚。
【網絡熱話】
今日下午 6 時左右，IKEA 在其 facebook 專頁發帖，表示：「冷靜啲，放低把鋸先！我哋都知道床褥嘅嘢，一唔啱心水係會幾燥嘅。所以我哋嘅床褥係有 100 日試用服務，畀足夠時間你試真啲張床，當你真係唔滿意嘅話，歡迎您嚟換過第二張，務求令您可以搵到一張最完美嘅床褥為止。」並附上 IKEA 購買床褥的網址，明顯是因「連登鋸床褥」借題發揮。
至於網民方面，不少人都讚 IKEA 反應夠快，留言包括：「抽水抽得你咁快手」、「勁抽」、「Good PR sense」、「Marketing team 轉數又高又快」、「抽水神手」等。
【科技】
【生活情報】