港鐵北角站車長特別廣播喚醒乘客「好早咋唔好瞓啦」 網民:想做電話鬧鐘鈴聲

| Kay | 31-01-2019 13:31 | |

香港不少上班一族在放工後,都會累到透頂,在港鐵車廂睡到昏迷者,比比皆是,而當到港鐵列車去到終點站時,甚至有車長以特別廣播喚醒乘客下車。早前就有網民拍片拍得港鐵北角站車長以另類方法叫喚乘客下車,該車長以一道讓人難忘的聲線,配合獨有說話節奏,不斷重覆叫着:「唔好瞓啦」、「起身呀」、「喂,到站啦」等言詞。

【相關報道】整爛港鐵車廂手環如何不失霸氣?網民:幻覺嚟啫嚇我唔到嘅

【相關報道】巴打質疑香港人不會叫「港鐵」!地鐵火車才是「正名」?

該段長達 42 秒的港鐵車長喚醒乘客廣播實錄,講真沒有畫面內容可言,只是拍着港鐵將軍澳線往北角終站方向的月台。因此識睇片的朋友,務必留意該港鐵車長喚醒乘客廣播內容,以下為廣播對白輯錄。

港鐵北角站車長喚醒乘客影片對白:

港鐵北角站車長:好早咋唔好瞓啦 

10 點半呀唔好瞓啦喂

10 點半咋唔好瞓啦

喂 喂 起身呀 醒啦

港鐵廣播:乘客請留意列車已到達終點站,請盡快離開車廂(港鐵北角站車長:喂 喂)

疑似拍片者:咁搞笑嘅

港鐵北角站車長:喂 喂 到站啦 喂 起身啦 走啦 夠鐘啦起身啦

港鐵北角站車長:起身啦

港鐵廣播:請留意列車已到達終點站,離開車廂,多謝合作

片段一出後,網民反應頗為極端的。有部分網民欣賞車長行為,並覺得他喚醒乘客的特別廣播十分搞笑,更讚賞:「把聲幾正」、「幾可愛呀,好過一式一樣官腔讀字好多啦」,更有網民表示「想做電話鬧鐘鈴聲」!不過也有網民有感車長如此行為是不值欣賞,「叫醒個客可以更好方式㗎啫」、「點解唔直接行過去叫醒佢就算」。當然,當中有其他巴絲打覺得,有些網民對車長行為的想法未免太認真,縱然不清楚港鐵守則是否容許該車長這樣做,但也力撐車長所為只是出於好意,希望該車長不會被內部調查及處分外,並指如果該車長未能及時喚醒乘客下車,影響下一班車延遲埋站的話,將產生更大影響。

精選網民留言:

欣賞車長行為

  • 笑 X 到 X 街
  • 把聲幾正
  • 北角站個車長成日都係咁,見過好幾次
  • 有冇巴打識執清啲把聲做鬧鐘鈴聲
  • 幾可愛呀,好過一式一樣官腔讀字好多啦

對車長行為感到保留

  • 點解唔直接行過去叫醒佢就算(利申:試過俾車長拍醒)
  • 我覺得個司機唔係幾專業,唔尊重人多過搞笑......
  • 叫醒個客可以更好方式㗎啫
  • 如果接受到咁樣俾人對待,咁我無嘢講,唔係話畀咗錢就大晒,但自稱全球最佳嘅鐵路公司,咁樣對個客,真係好?你旁觀者可能覺得好笑,我就笑唔出了
  • 有咩用?完全唔好笑加覺得低能

早前有網民拍片拍得港鐵北角站車長以另類方法叫喚乘客下車的情況,聽到該車長不斷重覆叫着:「唔好瞓啦」、「起身呀」、「喂,到站啦」等言詞。

網民對於港鐵北角站車長的特別廣播,反應頗為兩極。

【相關報道】【有片】大叔疑港鐵車廂瘋狂咳嗽滋擾女乘客 「哥哥」見義勇為阻止遭追打

【相關報道】織「延誤頸巾」控訴德鐵延誤狀況爆紅!網民:想要港鐵壞車圍巾
 
Source: Cheung Ka Hing @ 巴打絲打 Facebook Club Facebook, lihkg

相關文章

Page 1 of 21