巴打拆解公屋家庭窮三代原因 自爆 7 招發圍密技改變一生:偷錢補習讀港大

| 柔之拔 | 27-01-2019 14:53 | |

公屋家庭窮三代,究竟是咪真?如果是真的,又係乜原因?日前有巴打在網上討論區發帖,扼要分析公屋家庭窮三代的原因。意外的是,帖子絕非「老生常談」食飽飯冇_痾辣殺嘆息;彩蛋在帖子文末,巴打脷一伸,大方分享 7 招發圍密技,拒絕墜進「公屋家庭窮三代」的無間地獄。

網民「唯愛美斯(登機)」日前在 LIHKG 討論區發帖,題為「點解大多數的香港公屋家庭會窮足三代唔係無原因」。他在帖子開首已突破盲腸:「因為由你細細個開始,已經有一套套路;用最低成本去養大自己個仔女,然後搏佢成為人中之龍」。

小記花生咬一口,願聞其詳。

樓主娓娓道出在香港公屋成長的坎坷人生。5 歲收利是,阿媽搶_咗,同你講「幫你儲起佢」,你信以為真。

7 歲讀屋邨小學,經過琴行想學琴。阿媽話有錢人才學琴,細路仔只會讀書,悶就落街打波,「於是你落街識左一班豬朋狗友」。

12 歲要考呈分試,老豆叫你去溫書,否則好似佢咁窮,將來養唔起老豆老母。「但打開本書你無從入手,你問老豆呢條數點計,佢叫你唔好阻住佢賭馬」。

13 歲入左一間 band2 屋邨中學,問老母攞飯錢,竟然 1 日只會俾 20 蚊。「你同佢講話學校出面食 40 蚊一餐,佢叫你食學校 20 蚊劣飯」。

16 歲要考 dse,去完 hku oday 發現大學生活好似好美好,渾渾噩噩讀左 15 年先發現自己無讀過書。「你知道考試係有捷徑,於是問呀爸攞錢補習。呀爸同你講,X 我以前讀書使鬼補咩,而佢忘記左自己嘅職業係一名保安」(文字經過處理)

18 歲放榜當日,你含淚去報 bba asso,結果你辛苦左兩年入返正式大學,先知道入面全部英文叻過你 有才華過你,group project 無人同你組。

22 畢業,你搵到份 1xk 薪嘅工。回首一望屋企人完全無 support 過你,當你同佢攤牌佢又話你不孝,仲叫你準時俾 8k 家用,基於責任同無膽你又唔敢唔俾。結果公屋又排唔到,搬又搬唔到出去住,日日就係咁俾老豆老母_(文字經過處理),不斷輪迴,墜進無間地獄。

「簡直係童年陰影」

樓主指出:「我估以上最少有一半係公屋仔女嘅寫照,俾人由細搾壓到大。有啲人已經無咩知覺,覺得用錢塞住佢把口就算。但呢啲簡直係我童年陰影,成日發惡夢都係呢啲片段」。

7 招發圍拒墜無間地獄

在帖子文末,樓主「利申」自爆 7 招發圍密技,誓要逃離「公屋窮三代」無間地獄。

1】符碌入 band 1 中學

爛仔小學 -6 入左 band1

2】偷老母錢補習入 HKU

自己偷老母錢 + 利是錢補習,俾我碌左入 hku。

3】借政府 non-mean grant-loan

呢家每年問政府借足 non-mean grant-loan

4】半工讀

定期返下工

5】儲蓄

一畢業應該儲到 15 萬

6】畢業即搬

然後即刻搬出去住;工廈又好 劏房都好

7】 只俾 $600 家用

已經講明以後只會俾 $20x30 家用

截稿前,帖子贏得 2782 個正評,117 個負評。網民紛紛讚好,踴躍回應。然而唔知是咪樓主太 "inch",網民不屑直斥;「個利申同個故都唔啱嘅,你入 band1 嗰刻已經走緊同好多人唔同嘅路」、「bba asso 上網查下第一個 b 係咩意思啦,仲話自己讀 kongu」、「又係呢 d 老生常談,爭氣 d 啦垃圾」,遭樓主駁斥:「兩秒就睇完?你又知我唔爭氣」。

「點解大多數的香港公屋家庭會窮足三代唔係無原因」原文

因為由你細細個開始
已經有一套套路
用最低成本去養大自己個仔女
然後搏佢成為人中之龍

喺你 5 歲有認知嘅時候收到第一封利是
你好開心 然後老母一手搶_左
同你講 阿仔 等媽咪幫你儲起佢
你信以為真

喺你 7 歲嘅時候入左間屋邨小學
偶爾放學經過小琴行見到部鋼琴好靚
返到屋企問下媽咪可唔可以學琴
老母同你講 鋼琴呢啲有錢人先玩
細路仔只係會讀書㗎
唔好學埋曬啲無謂野啦
悶就落街打波啦
於是你落街識左一班豬朋狗友

喺你 12 歲嘅時候要考呈分試
老豆日日叫你去溫書
如果唔係就好似佢咁窮
養唔到老豆老母㗎啦
自以為懂事嘅你 
覺得要為屋企做返啲野
但打開本書你無從入手
你問老豆呢條數點計
佢叫你唔好阻住佢賭馬
只好自己死記硬背

13 歲嘅你入左一間 band2 屋邨中學
當你開始要問老母攞飯錢
佢竟然同你講 1 日只會俾 20 蚊
你同佢講話學校出面食 40 蚊一餐
佢叫你食學校 20 蚊劣飯

16 歲你準備要考 dse
你去完 hku oday 發現大學生活好似好美好
渾渾噩噩讀左 15 年先發現自己無讀過書
你急起直追 有次經過燈塔見到一車車名校生走出黎
你知道考試係有捷徑 於是問呀爸攞錢補習
呀爸同你講
_ 我以前讀書使鬼補咩
而佢忘記左自己嘅職業係一名保安

18 歲放榜當日 你得到了 433333
你含淚去報 bba asso
結果你辛苦左兩年入返正式大學
你急不及待想去玩玩時先知道
入面全部英文叻過你 有才華過你
group project 無人同你組
intern 都係靠關係 / 爆 gpa 先有份玩

22 歲畢業時候
你搵到份 1xk 起薪嘅工
回首一望屋企人完全無 support 過你
當你同佢攤牌佢又話你不孝
仲叫你準時俾 8k 家用
基於責任同無膽你又唔敢唔俾
結果公屋又排唔到 
搬又搬唔到出去住
日日就係咁俾老豆老母_


我估以上最少有一半係公屋仔女嘅寫照
俾人由細搾壓到大
有啲人已經無咩知覺
覺得用錢塞住佢把口就算
但呢啲簡直係我童年陰影
成日發惡夢都係呢啲片段

利申
爛仔小學 -6 入左 band1
自己偷老母錢 + 利是錢補習
俾我碌左入 hku
呢家每年問政府借足 non-mean grant-loan
定期返下工
一畢業應該儲到 15 萬
然後即刻搬出去住
工廈又好 劏房都好
已經講明以後只會俾 $20x30 家用

【精選消息】盤菜瑩子街訪中國人住日本公屋 不受日本人歡迎:亂丟垃圾、無學日文、噪音滋擾、暴力相向

【精選消息】【婆媳糾紛】搬入男友公屋力數未來奶奶多宗罪!網民劣評港女公主病

 

Source:LIHKG討論區

相關文章

Page 1 of 21