張建宗表示 HK$4000 派錢不設網上申請有原因 網民:政府程序主義就係要搞咁耐

| Kay | 22-01-2019 13:17 | |
張建宗表示 HK$4000 派錢不設網上申請有原因  網民:政府程序主義就係要搞咁耐

由昨日(1 月 21 日)開始,政府已上載「派 $4,000 蚊」關愛共亨計劃的申請表,讓市民自行下載及填寫 HK$4,000 派錢申請表格,然後以郵寄或親身遞交方式交表。可能不少人會問,何解這次「派 $4,000 蚊」計劃不設網上交表,要特意填表及付足郵費郵寄表格這麼麻煩。今日(1 月 22 日)本地傳媒報道提到,署理行政長官張建宗出席行政會議前,為「派 $4,000 蚊」計劃不設網上申請解話。張建宗表示:「一度考慮設網上交表,但由於設計系統可能要 18 個月,為免拖延沒有採納。」

【相關報道】

【相關報道】

對於張建宗「網上交表設計系統可能要 18 個月」的言論,有大部分網民都表示嘩然,有網民表示:「報稅咁 X 複雜都整到」、「你攞個 3 億行政費出嚟,3 日都做到畀你」外,也有網民不解製作網上申請表格何以如此費時,並問道:「上次 6K 網上申請點解又唔使咁耐」、「由落實派錢到而家呢一年做過咩嚟」?

說穿了,「派 $4,000 蚊」計劃不設網上交表的原因,可能就是基於政府工作程序繁複,往往將簡單事情複雜化。有人提到「又要招標又要乜乜乜,政府程序主義就係要搞咁耐」,另外也有網友直言:「整一版 form 唔難, pen test stress test,背後嘅 workflow 點做,呢啲都要有排搞,以政府部門嘅作風搞 18 個月都算快」。

而在一眾留言中,雖然有一位網民強調:「我唔係公務員,唔使護主」,但也不忘以長文解釋這次不設網上交表的原因:「整咁大型畀所有街外人用,其實真係需要時間,如果要 tender,又幾個月,之後整好多 test,又幾個月。唔同自己公司內部整張 eform 報秋季旅行咁簡單,公司做 project,做 RFP 揀 vendor 都成半年有突。」,似要大家體諒這次不設網上交表的情況。

精選網民留言:

  • 又要招標又要乜乜乜,政府程序主義就係要搞咁耐
  • 由落實派錢到而家呢一年做過咩嚟? 
  • 成件事「行政費」先係主角,佢根本唔 care 你方唔方便或幾多人受惠,寫個 IT 系統使 X 3 億! 
  • 唔用郵寄系統,點過數俾郵政署呀
  • 上次 6K 網上申請點解又唔使咁耐
  • 不如挖返上次派六千點做畀波仔睇下
  • 你攞個 3 億行政費出嚟,3 日都做到畀你
  • 再唔係直接比人填 eform 再 sd email 畀你,都好過而家全世界郵寄啦
  • 整一版 form 唔難, pen test stress test,背後嘅 workflow 點做,呢啲都要有排搞,以政府部門嘅作風搞 18 個月都算快。 
  • 整咁大型畀所有街外人用,其實真係需要時間,如果要 tender,又幾個月,之後整好多 test,又幾個月。唔同自己公司內部整張 eform 報秋季旅行咁簡單,公司做 project,做 RFP 揀 vendor 都成半年有突。我唔係公務員,唔使護主

張建宗表示 HK$4000 派錢不設網上申請有原因  網民:政府程序主義就係要搞咁耐
今日(1 月 22 日)署理行政長官張建宗出席行政會議前,就為「派 $4,000 蚊」計劃不設網上申請解話。他表示:「一度考慮設網上交表,但由於設計系統可能要 18 個月,為免拖延沒有採納。」

張建宗表示 HK$4000 派錢不設網上申請有原因  網民:政府程序主義就係要搞咁耐
也有網民表示「報稅咁 X 複雜都整到」,不明白何解「派 $4,000 蚊」計劃不設網上交表。

張建宗表示 HK$4000 派錢不設網上申請有原因  網民:政府程序主義就係要搞咁耐
有一位網民強調:「我唔係公務員,唔使護主」,但也不忘以長文解釋這次不設網上交表的原因,似要大家體諒這次不設網上交表的情況。

【相關報道】

【相關報道】



hkgolden lihkg







相關文章

Page 1 of 11