幸福港媽大讚「十項全能」工人姐姐!網民:比中六合彩更好運

| shiuhk | 21-01-2019 15:17 | |

對於雙職父母來説,最重要是找一個能夠將小朋友、家庭内務都照顧得好好的人。有些人會將子女托付給親戚,有些則會請工人姐姐。然而,請一個幫到忙而且對子女好的工人姐姐並不容易。而近日,就有一位港媽在外傭僱主 群組分享經歷,表示家中的姐姐各方面都做得好,姐姐甚至連裝修都識,不禁感嘆:「比中六合彩更好運」!

【相關報道】警媽淚嘆為工作錯過子女成長!網民反諷「堅離地」:高薪厚職仲講風涼話

【相關報道】【圖解】工人幫小朋友擔遮 網民:「怪獸家長多的是!」

有網民在 Facebook 群組「外傭僱主必看新聞訊息」出帖分享正能量。事緣樓主以斷約形式請了一位工人姐姐,樓主大讚她平日「煮嘢食有創意,清潔功夫合格」,照顧小朋友亦有一手。接返學放學兼送午餐整下午茶,幫小朋友沖涼更會教他們英文功課。之後就會準備晚餐給小朋友跟樓主兩夫婦,可謂十分盡責。到近日,樓主發現工人姐姐甚至懂得裝修,出手幫他們在新年前翻新全屋,簡直就是「十項全能」。

樓主強調沒有要求姐姐幫忙裝修,而是姐姐有相關知識,主動提出要幫忙。樓主之後亦留言教路相處之道:「首先要當佢係屋企人咁,同埋有時比番啲自由空間對方,其實只要佢處理好小朋友起居飲食,做好一般家居清潔衛生,我地係唔會理佢中間有冇蛇王偷懶,將心比己。」

遇著多才多藝,兼盡心盡力的工人姐姐,當然要讚!

不少網民都紛紛大讚:「連裝修都做埋,點夠你玩呀,呢種真係加人工都黎唔切」、「再一次証明世事無絕對,斷約唔一定勿請」、「太幸運了,恭喜你」、「執到寶!」、「我會比多啲錢留住佢,人心換人心」、「我都請左斷約工人,好錫我個兩歲幾仔仔」、「你就好啦,好野難求,不過都係互相尊重」、「我都有一個,幫我油曬全屋」、「比中六合彩還要好,恭喜」、「完全認同樓主要當佢屋企人」、「世間難求」大家也不妨分享下自家的工人姐姐吧!

【相關報道】網傳女傭特別貼窗防爆玻璃大法 網民:避邪防爆一兼兩顧

【相關報道】【網絡熱話】老婆幫不到手 男人真是會很辛苦

Source:外傭僱主必看新聞訊息

相關文章

Page 1 of 21