新年日本簽卡平 10%!Yen 價即變 6.5 算

| 阿美 | 21-01-2019 14:01 | |

日元價格上升,每百日元兌近 HK$7.2,打算新年遊日嘅朋友都叫苦。不過,識得簽卡就有著數,因為有信用卡做緊日本簽賬 10% 回贈,Yen 價變相 6.5 算,大家買得更盡興!

1. AEON 信用卡 日本浪浪激賞 回贈 10%

於 2019 年 1 月 11 日至 4 月 5 日期間,在 AEON 網站或 AEON 香港的 App 登記日本浪浪激賞推廣,可享高達 10% 簽賬回贈。此推廣將計算推廣期內的累積簽賬金額,而沒有每筆交易之最低簽賬限制。但要留意 VISA/MasterCard/JCB 將收取 1% 海外簽賬手續費,銀聯卡則沒有海外簽賬手續費。

玩到最抵嘅話,就用 AEON 銀聯卡剛好簽夠 HK$20,000,享 HK$2,000 回贈,即 Yen 價變成 100 日元兌 HK$7.2 的 9 折,等於 HK$6.48。更可留意本文末介紹的新地商場 x 銀聯卡 外遊及本地簽賬換領計劃。

2.    東亞銀行信用卡 旅遊日.東亞日

由登記日起,用東亞銀行信用卡,單一海外簽賬滿 HK$500 可享 11X 積分,亦即 4.4% 現金回贈。每個合資格主卡賬戶,每月最多可獲 50,000 額外積分,亦即簽賬 HK$5,000 獲 HK$220 現金回贈。

3.     新地商場 x 銀聯卡 外遊及本地簽賬換領計劃

若大家用香港或澳門發行之銀聯卡,於指定外遊地區簽賬滿 HK$4,500(日本為 64,000 日元),並以同一銀聯卡於 10 家指定新地商場即日單一簽賬滿 HK$300,即可換領 HK$300一田現金禮券。

此推廣可與 AEON、東亞等一併使用,Double Eat 抵上加抵!但要留意 64,000 日元最多只限 5 張於同一外遊地區及以同一銀聯卡簽賬之簽賬存根計算。外遊地區簽賬期由 2018 年 12 月 1 日至 2019 年 2 月 28 日;本地指定新地商場簽賬期由 2018 年 12 月 15 日至 2019 年 3 月 17 日。每位持卡人於整個推廣期內,可於每個指定新地商場換領禮券 2 次,但要留意推廣期內可供換領的禮券數量為 4,500 分,每個指定新地商場名額有限,先到先得,換完即止。

Source:ezone.hk、各金融機構網站

Page 1 of 21