唯唯 IG 留言記足張繼聰 10 年前無打招呼!網民嘲梁競徽:做咩啫你

| Hin | 16-01-2019 17:54 | |

近期大家喜歡在 Instagram(IG)玩「#10yearchallenge」,望望自己 10 年前後有甚麼轉變,作為藝人當然玩埋一份,就好似張繼聰在 IG 發文,表示自己這 10 年間心境嘅改變比外表變化更大!正當一眾粉絲大讚張繼聰而家夠大隻、夠型之際,另一位剛改名成梁競徽的藝人梁烈唯(唯唯)就亂入留言,話自己 10 年前在 TVB 五廠的走廊遇到張繼聰,當時自己點頭 say hi,之但係張繼聰你就直接走過唔理我。  

【相關新聞】佘詩曼 43 歲素顏照比「美顏照」更靚?網民稱娘娘美到發光

【相關新聞】雞蛋相贏女星 Kylie Jenner!打破 Instagram 最多 like 紀錄

嘩!10 年前張繼聰無同唯唯打招呼,竟然記到而家。張繼聰見到此等回應,當然在其 IG 中,開玩笑式留言「咁明顯我視力有問題啦」。不過,唯唯就繼續留言,直呼自己當時好難受,更一直放在心中,即使大家相識亦沒有再問起;而唯唯續指這些年終於知道,原來當年張繼聰正受著很多壓力。對於唯唯再次留言,張繼聰唯有笑指自己應該是純粹的「發雞盲」,最後更謂「大家努力兄弟」。

對於唯唯對 10 年前張繼聰無打招呼仍耿耿於懷,還有死纏爛打的在對方 IG 留言,網民們見到,當然又放上討論區討論。更直言指「張繼聰好慘」、「好尷尬」,亦有網民盛讚張繼聰回答夠大體。又反問究竟唯唯想點,留言問唯唯「飲大咗?」、「做咩啫你」、「衝出黎 X」。

而在張繼聰的 IG 留言中,事件亦愈鬧愈厲害,網民們甚至直言唯唯「一直係咁留言煩死了」,又叫唯唯「你翻大陸啦 」。有的更甚留言「張繼聰先係真男人,姓梁條友特登留言講埋啲嘢想搞到張繼聰變衰人?好難囉!我覺得張繼聰形象勁好!仲要咁大方肯應機。」

【相關新聞】西貢大坳門遍布棄置風爭!網民籲:自己垃圾自己帶走

【相關新聞】雪櫃抬上九巴!網民諷:GoGoBus 為你慳番筆

Source:louischeung2013、LIHKG

相關文章

Page 1 of 21