比亞迪電動的士本港絕跡 網民:要政府配合先發到圍

| Kay | 07-01-2019 12:18 | |

雖然電動車勢成日後車主用車的主流,但如果用作香港的公共交通工具,似乎還未成氣候。繼九巴、城巴、新巴都不約而同地指出,電動巴士續航力未能完全適合本港市場需要後,連在香港行走了 6 年的電動的士,都在早前跟大家說再見。最後一輪比亞迪電動的士用家、西北區的士司機從業員總會主席黃永忠跟本地傳媒證實,在 2016 年購入的比亞迪 e6 400 電動的士,因兩年保養期已過,換電成本高昂,加上轉為私家車需另繳付 HK$28.7 萬稅項,所以在成本高昂、難以易手的情況下,決定將這輛比亞迪 e6 400 電動的士,於 2 至 3 個月前售予劏車場,淪為廢鐵收場。

【相關報道】九巴稱難全面使用電動巴士!巴迷:混能在香港較適合

【相關報道】國產電動巴續航力不滯!新巴城巴退還原廠重修

有網民讀過比亞迪電動的士在本港絕跡的新聞後,有感「電動車其實要有政府配合先發到圍,睇下 XX 政府根本冇大力去推動」,致使當中淪為廢鐵收場,更笑言當中是「最先進的廢鐵」及「假環保」,「保養期得兩年,我部電視都耐過佢」。此外,也有網民直言,以香港的士的營運模式,是不容許電動的士好好生存,「一日要用成個幾兩個鐘叉電咪玩,仲未計搵叉電車位時間」;也有網民稱,香港為電動車而設的充電位不足,以及充電補給時間遠比入油、入石油氣為長,因此在缺乏配套的情況下,都使比亞迪電動的士淪落如此下場。

不少網民坦言,在香港使用電動的士為「搵食車」,基本上是沒可能的事,「hybrid + 插電式先係真正嘅過渡產品,無電可以用電油引擎充電,唔會無電就死車」。當中更以 Toyota 汽車作為例子說明,「Toyota 做咗咁多年,依家新一批 hybrid 可以做到 100km/4.5L,零件唔似其他廠又壞又貴,計埋換電池夠玩 10 年」,其後更有提,等電動車再發展 10 年,應該做到大眾化。

網民有 Say:

  • 最先進的廢鐵 
  • 但係深圳準備全部的士都轉做電動 
  • 一講錢,環保人士都要收聲,代表乜?
  • 電動車 = 假環保 
  • 電動車其實要有政府配合先發到圍,睇下 XX 政府根本冇大力去推動
  • 又要開始籌備下一次送錢畀大陸佬
  • 的士特色係 24 小時分兩更搵食,一日要用成個幾兩個鐘叉電咪玩,仲未計搵叉電車位時間,如果話每日會有 8  至 9 個鐘係收車時間用嚟叉電先諗得過
  • 咪玩啦,普通車一 tank 油都 400 至 500km,人哋 5 分鐘入油,你就 1.5 個鐘
  • 保養期得兩年,我部電視都耐過佢 

最後一輪比亞迪電動的士用家、西北區的士司機從業員總會主席黃永忠跟本地傳媒證實,在 2016 年購入的比亞迪 e6 400 電動的士已淪為廢鐵收場,電動的士正式在本港絕跡。

網民坦言在香港發展電動車,需要政府配合,可是有感政府沒大力推動。

【相關報道】【廠房直擊】GMi 港產油電混合旅遊巴大解構!全電巴才是目標?

【相關報道】北汽電動車 EU5 存安全隱患?媒體實測:這是我試駕最爛的車
 
Source: hkgolden

相關文章

Page 1 of 21