香港食肆眾多，不時都有人發現老鼠的蹤影，然後拍片或影相放上網。稍早前，有網民在一間位於尖東的點心店，拍到一隻老鼠在白天時已在店內出沒。影片上載到 巴打絲打 Facebook Club 群組後，不少網民都覺得見慣不怪，更指「邊間餐廳冇老鼠」。
【網絡熱話】
從影片可見，拍攝地點為尖沙咀逸翠軒點心專門店，可看到該隻老鼠身型頗為肥大，在白天的情況下肆無忌憚，在卡位之間走來走去，引來途人駐足觀看，拍片者稱：「嘩！呢間餐廳呢，老鼠都有喎，你睇吓幾瘋狂！你夠膽嚟食呀真係，哎呀滅鼠公司呢」。期間更試過敲打餐廳玻璃，但老鼠似乎並驚慌。
至於網民方面，反應反而顯得「鎮定」，從留言看來，似乎都見怪不怪：「有邊間餐廳冇老鼠，正明間嘢好好味」、「沒有才不正常」、「證明冇落藥，健康食府」、「 逢食肆都有，爭在你知唔知佢喱响邊，幾點出末」、「間間都有。又一城商場係個大型老鼠竇，全部餐廳都有老鼠。你見唔到以為好乾淨，咪傻啦」等。不過也有人認為：「我唔明點解啲人見到老鼠覺得好正常。未到深夜人來人往都唔怕人擅無忌憚咁出黎，表示當區老鼠數量不少。 如果唔好好控制會爆發疾病。」
【網絡熱話】
【網絡熱話】
Source：巴打絲打 Facebook Club