早前北區區議員兼粉嶺圍村長彭振聲拍片，指警員在粉嶺圍針對違例泊車抄牌，是「濫用和浪費警力」，之後惹來各界「圍插」。最後彭振聲雖發出道歉聲明，但有網民質疑彭振聲「累街坊」，並在 facebook「上水人大聯盟」發帖，指座駕被抄牌 6 次。
【網絡熱話】
今日近中午時間，有網民上載了兩張相片，只見一架貨 van 的車頭，竟有 6 張俗稱「牛肉乾」的告票，帖文寫：「多謝彭村長。」他又補充：「就係係粉嶺圍＿完，結果就一日嚟抄幾次。」
至於網民方面，不少人都「食花生」，留言包括：「下次選舉張 banner 可以寫『成功爭取香港警察嚴正執法』」、「你玩串個場，人哋咪陪你串，執正黎做囉，個村長莊閒都未分清」、「呢次真係好多人要多謝某區議員，依家粉嶺大部份嘅地方都好安靜……就淨係抄嗰度囉」、「成功打擊泊車不入錶車主，增加庫房收入。彭村長又記一功」、「風頭火勢，乖乖地入返錶啦」等。
違例泊車的告票是否有上限呢？現時法例沒有明文規定執法人員相隔多久，才可再發告票，執法人員可視乎情況決定發出告票，即理論上抄多少次也可以。不過一般情況而言，警方在 4 小時內不會重覆抄牌，一日內發出的告票不會超過 5 張。假如違法泊車的車輛嚴重阻塞交通，警員可以會致電拖車將違例車輛拖走。
【網絡熱話】
【網絡熱話】
Source：上水人大聯盟