【麥當勞走塑記】熱朱扁管單挑凍檸茶杯蓋 網民:用蠟紙飲管

| 柔之拔 | 27-12-2018 13:40 | |
【麥當勞走塑記】熱朱扁管單挑凍檸茶杯蓋 網民:用蠟紙飲管

麥當勞「麥麥走飲管」,你適應了沒有?香港麥當勞於今年 12 月 24 日過剛去的平安夜起,實行「天天走塑」;全線香港麥當勞餐廳及 McCafé 將每日推行「麥麥走飲管」,收起飲管箱內的所有飲管,亦不會主動隨飲品派發飲管予客人。結果呢?網民「東方紅」於平安夜當天的早上,在不知情下到麥當勞堂食,當中包括購買一杯聲稱好耐冇品嚐凍檸茶。豈料啱啱遇著剛剛,麥當勞就在這天起不派發飲管,網民「東方紅」不知點算好,「我好少去佢度買檸檬茶,今日作死,走去買就領嘢」,遂在討論區發帖苦訴這次走塑經歷……

「咩都冇,點飲呀?」

樓主在香港討論區發帖,題為「為走塑而走塑」。樓主在帖子苦訴經過:「好日唔去食早餐,今日去麥記叫了個早餐,配了杯凍檸茶,原來已經係冇飲管的日子,拎到嚟,我打咗個突,咩都冇,點飲呀?」

小記花生咬一口,向服務員主動要飲管,有冇呀?樓主續稱:「後來,服務員都唔好意思,周圍搵,咩都搵唔到!」

吓?

膠棒仔頂硬上篤杯蓋

「唔知係咪早過頭啦,講咗幾次唔好意思,最後畀佢搵到一支軟拉拉嘅膠棒仔,有支飲管都話可以用飲管篤。連飲管都冇,點篤?」

樓主沮喪:「最後,畀多一套刀叉我叫我自己篤。其他嘢我唔想講了。係咪唔應該賣凍檸茶?」

【麥當勞走塑記】熱朱扁管單挑凍檸茶杯蓋 網民:用蠟紙飲管
香港麥當勞在剛過去的平安夜起,實行「麥麥走飲管」,不再主動提供飲管予客人,有網民飲用凍檸茶遇到困難,遂在討論區發帖訴苦,並附上圖片。

從樓主隨帖子上載的圖片目測,麥當勞服務員疑似給予樓主一支本來用於飲用熱朱古力或熱咖啡的扁扁飲管,亦即樓主形容的「膠棒仔」。用膠棒仔篤凍檸茶杯蓋,長度夠嗎?口感爽嗎?

網民:唔賣凍檸茶會好啲

樓主的「不幸」遭遇,讓帖子在截稿前已贏得 14,951 個點擊率、147 個回應。有網民表示:「麥當勞應該唔賣凍檸檬茶會好啲」、「咪就係囉,環保係啱,但都要方便到人」、「因環保 L 不能得罪的!」

樓主補充:「冇錯,你個配套要搞好先得架;其實可以學以前咁,用蠟紙飲管。」

其他網民留言,節錄如下:

  • 其實有時無飲管真係好唔方便。。。我覺得可以考慮將飲管使返薄啲,咁都係一個減塑嘅辦法
  • 佢 E 家好似會俾一隻連埋飲管的匙羹,好似食麥旋風會俾的。
  • 呢樣我無留意到。。。我只覺得膠管太厚

【相關報道】

【相關報道】

 

Source:香港討論區

相關文章

Page 1 of 11