的士乘客千元大鈔支付 $0.5 車費!霸氣司機以 49 張 $20 找贖還擊

| 柔之拔 | 25-12-2018 08:50 | |

香港的士司機服務質素參差,負評的士司機駕駛態度,屢見不鮮;但乘客亦非永遠是對的。這裡就有一個案例,網民「霸氣司機」(化名)日前在 Facebook 群組「的士司機資訊網 Taxi」發帖,親述一次接載野蠻乘客的遭遇。溫提,分享者並非第三身角度旁觀,而是霸氣司機以單方面案內人的身分與角度闡述事件。

乘客:「你揸飛機呀?」

樓主在帖子表示:「今日遇到一個極品貴客去元朗,一上車話趕時間,叫我盡量快」,樓主遂按照策騎指示全程快放,豈料野蠻貴客立即爆粗問候:「XXXX(文字經過處理),你揸飛機呀?」

司機:「係你話趕時間」

也許樓主還未取得飛機駕駛執照,但他仍保住霸氣,輕描淡寫(瀉)道:「老細係你話趕時間,叫我幫你盡趕喎!」,並指野蠻乘客「即刻收聲」。

付錢不足 竟說「唔使你找」?

終於,車子抵達目的地,高潮!樓主表示:「到埗錶頭 $105.5,佢俾 $105 好大聲話『唔 X 使你找喇。』(文字經過處理)」

司機:「你想我找乜俾你?」

樓主坦承被野蠻貴客「撻到有啲着」,霸氣道:「你想我找乜俾你?其實你俾少咗五亳子,不過我豪俾你,收少你五毫子。」

乘客千元鈔 單挑的士佬

樓主指個貴客即刻唔衰得,掹張一千蚊紙出嚟:「的士佬找番嚟。」

乘客:「我玩_你就梗」

的士司機疑似想息事寧人:「算啦五毫子」。他續稱:「點知佢唔肯,仲要話『的士佬我玩_你就梗㗎啦!(文字經過處理)』」

鎮山之寶回敬千元鈔

人同此心,大家都貪玩,最緊要好玩。的士司機遂玩埋一份,一邊袋張一千蚊紙落袋一邊就:「好呀!睇下邊個喊啦。」的士司機打開腰包,掹疊鎮山之寶出嚟,有十蚊有廿蚊,的士司機問:「你想要十蚊紙定廿蚊紙?」樓主指野蠻乘客即刻發爛渣:「的士佬你係唔係玩嘢先?」

出嚟行,少少玩嘢梗有。不過樓主謙虛笑說:「我咁卑微點敢玩你呀?五亳子濕濕碎,我唔收,你又話唔得,仲話到明要玩我,咁我咪收囉,我車 cam 有錄音㗎,不如我哋報警求助啦好唔好?」

「捧住九百幾蚊廿蚊紙落車」

樓主在帖子文末驚爆野蠻乘客的「下場」:「終於佢黑曬面扁曬嘴,捧住九百幾蚊廿蚊紙落車。」但樓主也不好過:「可惜我疊鎮山之寶祗剩一千多少少!」算是扯平吧!

霸氣司機笑指,找贖後「鎮山之寶」只剩下約千元。

網民:「就快過年,你中計了」

截稿前,帖子贏得 1003 個 emoji 心情、257 個回應、32 次分享。網民幾乎一面倒讚好霸氣司機,紛紛表示:「欽敬欽敬」、「好波」、「做得好」、「你的 post, 都幾治癒,我睇左兩次」、「佩服佩服, EQ 高, 膽量夠 ! 現今好少職業司機做得到. 不過都係小心啲好, 呢個世界好多癡線嘅仇的 L.」、「就快過年,人地就係想要 10,20 紙,你中計了」。

另有不少網民要求樓主提供車 cam 視頻:「有片有真相」。

有網民上載圖片怒撐霸氣司機,表示:「大量供應」,贏得樓主司機及其他網友讚好。

【相關報道】大埔男的士跌手機遇好心街坊拾回!PayMe 轉賬薄酬答謝

【相關報道】女乘客趕去醫院見父親最後一面!感激的士司機冒險飛車

 

Source:的士司機資訊網 Taxi

相關文章

Page 1 of 13