ZEPETO 立體公仔「免課金」合照攻略!企位都可自訂

| WAH | 13-12-2018 20:14 | |

《ZEPETO》App 最近在社交平台十分火熱,用家只要用手機,就可自製個人化 3D 公仔的程式。除了可用《ZEPETO》輕鬆將自己容貌製成全身立體 ZEPETOs 公仔之外,也可換衫扮型扮靚,更可以 join 朋友一齊玩,以 3D 公仔方式拍合照。但原來,用《ZEPETO》玩合照,都有少少秘技可分享,就算是合照的企位,也可由你自訂。

【相關報道】ZEPETO 立體公仔熱爆社交網!教你自製 3D 人像兼變 Whatsapp Stickers

Skill 1:Follow 朋友玩合照

當大家自製一個屬於自己的 ZEPETOs 公仔之後,可以從介面下方最右邊的「PLAY」鍵,進入 Magic Shot,玩不同的拍照效果。如要跟朋友合照,就先要 follow 對方。每個 ZEPETO 人仔都有一個獨立 ID,用 ID 去搜尋朋友,就可 follow 對方。

Follow 朋友之後,就可以拉他們一起在 Magic Shot 玩合照(其實係你自己玩,對方可以在完全不知情的情況下被你「強迫」合照)。

每個 ZEPETOs 公仔都有一個獨立 ID,想 follow 朋友就可經 ID 搜尋。

Skill 2:揀選合適人數 Template

Magic Shot 設有多款合照或單人照 template,如果想玩 3 人合照,就應選擇 3 人 template;若 template 人數多過朋友人數,系統會隨機重複朋友仔「湊夠數」。

Magic Shot 有多款合照 template,記得選擇合適人數的款式,如果得3 個人但選了 4 人合照,就會隨機選一位「重複」出現,好詭異呀!

Skill 3:企位任你自訂

選了合適 template 之後,就要揀朋友仔拍攝合照。別以為企位無得揀,原來你選擇朋友仔的先後次序,正正就可決定合照中的企位。以一幅「一人踢走兩個朋友」的 template 為例,選擇朋友(包括自己)時的次序,就是決定了相片中左至右的位置。換句話說,合照中起腳踢人的,要第一個揀選;中間被踢走的,要第二個選;最右的人就是最後一個選擇。

選擇朋友的次序很重要,會決定合照的企位。以這張相為例,第一個選擇的,會是最左方負責踢腳的人,最後選擇的就會企最右。

Skill 4:揀選真實背景

選好企位,程式就會自動製作一張沒有背景的合照。大家可按上方的「Decorate background with your photos」鍵,選擇真實的相片作為背景。上述所介紹的合照做法,全部「免課金」,只要 follow 朋友仔就可以玩到。

可按上方的 Decorate background with your photos,選擇相片作為公仔的背景。

【其他報道】WhatsApp Sticker 貼圖分類密技【Android 專用】

【其他報道】WhatsApp Sticker 貼圖下載及應用攻略(新聞總匯)

Source:ezone.hk

相關文章

Page 1 of 21