【求職見工】5 個 interview 面試舉動令你覺得受聘機會大 網民:唔好諗咁多

| 柔之拔 | 07-12-2018 05:58 | |

求職面試,戰戰競競。事前準備,問題預想、衣著技巧、談吐自然、反客為主。搞咁多嘢,都係想搵份工啫!那麼走上戰場,在實際面試環境,你可知道又有甚麼跡象,令你覺得受聘機會大?網民 yy_chow1210 日前在香港討論區發帖,題為「其實 interview 時有咩舉動你覺得等於請既機會大?」,不少網民踴躍回應,齊齊探討這個與求職面試相關的「先知課題」。 

求職面試 5 個舉動受聘機會大增

綜合樓主及網民意見,若在面試期間發生以下 5 個情形,均被認為是受聘機會較高的舉動。

1】點頭

樓主表示:個人認為點頭係大機會。又有沒有人試過自己覺得 in 得好差,個 interviewer 冇咩反應,反而有 offer?

2】壓價

佢一壓價,而你又接受個價錢,咁通常請你嘅機會都幾大,好少壓完價又唔請人

3】對你的經驗有興趣

其實睇大家的互動,好似對你的經驗幾有興趣,有 d 感覺好難講。

4】明天返工

通常話可唔可以明天番工,好大機會請。

5】冇打喊怒

網民:唔好希望,唔會失望

不過,有網民認為樓主「諗多咗」,好心奉勸:「你應該係少去見工嗎? 我自己見過 20 次左右...唔算多...但我覺得..只要唔好有太大希望...佢唔請就唔會失望. 因為就算佢比晒反映(應)你又點..一陣佢見完你..下個可能仲好呢? 冇人知的....唔好諗咁多...見完就忘記佢吧....當佢真係請先算啦.... P.S 如果你做果行係專業人事(士)就另計.」

樓主回應:「咁又係,所有事是講緣份的!」

其他趣味留言,節錄如下:

  • 我唔夠 5 分鐘已經 in 完,好大機會皮已收 仲要大家有 D deadair 咁
  • 我反而試過見份工一切都好順利...佢講明我會再打比你架,你等我電話啦~(聽到呢句咪以為佢會請)...點之等左成個星期都冇左回音
  • 政府 temp/contract 工,答得差反而都請,反正佢哋問啲問題返工嗰陣好少發生!
  • 講埋用咩銀行出糧、mpf,帶埋行公司一圈都一樣無消息,平常心吧!
  • 如果女士嘅話。。。大把嘢可以做

【相關報道】【求職】巴打呻見工講到似獲聘用 最後冇 offer 網民:你咪又係扮到實返

【相關報道】網民分享十大見工慘事!等 6 小時見 15 分鐘

 

Source:香港討論區

相關文章

Page 1 of 21