上台 Plan 無限上網即將大幅加價，不過劈價戰，似乎會由儲值卡接力。CMHK 剛公布，由即日起至 2018 年 12 月 31 日，原有的 384kbps 儲值卡「真．無限」慢速上網 Plan，速度提升至 7.2Mbps。以「鴨記」的售價來說，亦即係 HK$45 可以玩 30 日 4G 7.2Mbps「真．無限」！
今次升級嘅係 CMHK 儲值卡嘅 HK$30 / 10 日 Lite 本地數據組合，好多款本地 SIM 卡都可以開，最普遍係面值 HK$48、鴨記賣約 HK$35 嘅紅卡、及面值 HK$80、鴨記賣約 HK$45 嘅藍卡。因每款卡首 10 日開HK$30 / 10 日 Lite 本地數據組合都係免費，所以紅卡共可用 21 日流動數據、藍卡可用 31 日流動數據。
【相關消息】鴨聊佳 CMHK 中國無限 4G 上網卡免翻牆玩 FB WhatsApp！HK＄3 一日
【相關消息】HK＄25 玩 7 日4G「真．無限」上網卡！包無限分鐘大陸IDD
ezone.hk 記者開卡實測，的確發現網速已升至 7.2Mbps，快過 CMHK Kabayan 嘅 3.6Mbps。但 SMS 通知話 384kbps 儲值卡「真．無限」慢速上網 Plan，速度提升至 7.2Mbps 係短期優惠，至 2018 年 12 月 31 日止，未知優惠會否延續。
據悉，CMHK 今次升級是為讓客戶體驗即將發佈的 30 日無限上網計劃，扣 HK$68 儲值額，首 3GB 將提供 7.2Mbps 網速，而 3GB 後會以 384kbps 繼續提供無限上網。值得留意的是，CMHK 多款儲值卡都支援攜號轉台，而且儲值卡一向有增值優惠，例如在 CMHK MyLink App 內增值 HK$300 會有 HK$420 儲值額，即係 HK$68 Plan 連 HK$2 行政費的成本只係 HK$50（以 40% 增值獎賞計），看似是想將劈價的戰綫進一步延伸。
【相關消息】新版 3HK 中港澳萬能上網年卡 (黃卡)！包漫遊通話、轉新網絡！
【相關消息】3HK 萬能四地上網年卡(紫卡)！包5GB 國內免翻牆直上FB、IG！
Source：ezone.hk、CMHK