居屆攪珠有結果！今期受歡迎的「五二折」居屋包括啟德啟朗苑、長沙灣凱樂苑及東涌裕泰苑。居屋攪珠首 10 個抽出號碼是 38、70、29、34、01、86、91、17、72、18。，居屋申請人將按此攪珠結果決定揀樓次序。
今期「五二折」居屋合共提供 4,431 個單位，共收到 27.2 萬申請。這批是首批按新定價機制定價的居屋，售價介乎 118 萬至 468 萬。申請人留意房委會發出的確認信右上角的申請編號，編號最後兩位數正正代表攪珠號碼。
對於今次居屋抽籤結果，有不少有入紙的網民都紛紛討論，有人就申請人數發表意見，表示「今次都咁多人，就算下期近 D 都係會咁多人，中到第 2 已經好難得，同埋 52 折算平。」有人就為揀樓次序較後的人派「定心丸」指出：「不過都係要睇睇聽日到底有幾多綠長先知，聽聞綠長最鍾意揀樓日放飛機。」另有網民分享親身經驗：「兩年定三年前白表單人抽中，個時有天水圍、大圍，同綠宜雅居簡（揀），我係第一個 number，到我揀樓時大圍已經冇晒，天水圍都已經得番頭 3 層。」有網民就看淡後市：「大把人見樓市跌抽到唔買。」
有位已利申抽中頭位 38 號的「白單」申請者網民表示：「其實簡單啲講白單就算中第一個都只係得番東涌，仲要大機會係一房/開放式，第一個號碼想揀間兩房都未必有真係唔知抽黎做咩。」雖然未知最終揀樓情況，但也可見即使有抽中頭籌的單身白表人士，也不算太高興呢！
【其他報道】
【其他報道】
Source：HKET、政府新聞處、連登