巴打呻交友 App 識不到朋友? 網民:用 App 識到另一半兼閃婚

| Kay | 23-11-2018 18:16 | |

人愈大,可能因為生活、工作圈子小,因此難於結識新朋友,要轉移陣地用 Tinder、Skout、WeChat 等交友 App 試圖認識新朋友,不過大家有眼見,不少網上騙案都在交友程式發生,因此想從中識到真正的朋友,認真不易。最近有高登巴打出 post 表示自己用交友 app 識不到朋友,「就算係都幾句停」,反而「都係高登啱我,多痴線佬痴線婆」!不知其他網民有何看法呢?

【相關報道】内地交友 App 以 AI 詐欺月入數十萬!「女友」忽冷忽熱釣單身男

【相關報道】廚師用 Tinder 交友 App 網戀丹麥女伯爵成婚

巴打大呻交友 App 識不到朋友的事件,原來都有不少網友深表共鳴。其中有絲打表示「試過交友 app、speed dating 都識唔到,單身咗兩年都未搵到」,另外有巴打提到「約到啲靚嘅女仔,佢家底學歷同搵錢都屈哂機,但同佢差太遠,都係溝唔到」。當然,也有網民深信「人愈大愈難識朋友」、「用交友 app 一定另有目的」定律,因此有感樓主交友 app 交友不能,實屬正常。

之不過,當中也有部分網民提到自己成功用交友 app 識到另一半,甚至跟對方結婚,生活幸福快樂,順便跟其他毒到不能的巴絲打大放閃光彈。其中一名網民的經歷是這樣的:「同佢幾好傾,咁啱有樣野佢想賣、我想買,就約出黎交收順便食個飯,點知就係佢」,更提到自己已跟對方閃婚,好穩定云云!說到底,能否結識朋友,得需天時地利人和的配合,相信時機成熟,緣份一到,朋友自然來。

精選網民留言:

  • 交友 app 係咪好多人用嚟揾食多?Btw,N 年前喺 MSN 交友度識過好多台妹
  • 有極少量係真係想識下朋友嘅,但真係唔多,真係睇緣份 
  • 都唔係吖,我都約到啲靚嘅女仔,佢家底學歷同搵錢都屈哂機,我同佢差太遠,都係溝唔到
  • 我同另一半喺交友 apps 識 
  • 留名睇攻略 
  • 天生唔識溝女
  • 人越大越難識朋友,圈子越細就更加難,莫講話異性,同性都少
  • 嘥氣,除非你唔睇樣真係純粹識朋友 
  • 如果靚女都唔駛用交友 app,用交友 app 一定另有目的 
  • 單身咗兩年都未搵到(利申絲打,試過交友 app、speed dating 都識唔到)

最近有高登巴打出 post 表示自己在交友 App 識不到朋友,「就算係都幾句停」。

雖然樓主用交友 app 識不到朋友,但有其他網民表示自己用交友 App 識到另一半,兼且閃婚及生活美滿。

【相關報道】台南驚現交友販賣機! 台灣 YouTuber Joeman 實測有驚喜?

【相關報道】【倫敦金騙案】美人計誘投資 64 男中伏 損失 HK$2600 萬

Source: hkgolden

相關文章

Page 1 of 21