百物騰貴，慳得就慳。有車手把電單車捧回家才是正經事；停泊屋企，省卻停車場泊車費用。Facebook 專頁 OpenCar 最新發帖，上載兩張圖片（如下）；從圖片目測，有車手似乎是在駕駛電單車後，索性停車場都慳番；在友人協助下，一起小心翼翼地捧著電單車乘搭電梯，疑似要把電單車帶回家停泊。該電單車更是劉華烈火戰車款，man 呢！
面對當年情 真心說句…
帖子表示：烈火戰車入lift返屋企 網上分享 #慳返停車場 #搭lift #PGM #二衝程
做個慳儉的戰神，連人帶車返屋企停泊，絕對是正經事。只是有兩個小問題，需要解決。
「點拎起前碌？」
首先，有網民問：「電梯冇超載？」須知道，電單車連車油重量一般高達 200kg 以上。究竟是哪裡來的電梯，有這麼強的負重能力？有網民表示：「好似係柴灣漁灣邨」、「好似係屯門」、「佢點拎起個前碌架...」、「廿年前我都係咁，不過斜角都入到」、「拆頭轆撘地鐵都得」。
「擺番屋企冇問題」
此外，屋企有位擺放嗎？有網民招積：「Open car 一定唔係玩 26 嘅人，廿幾年前，玩 3,4 仔都係咁樣攞返屋企，泊街無硬」、「咁 z125 擺番屋企絕對冇問題」。
網民莫振雄也在「馬路的事討論區」面書群組，轉發 OpenCar 的帖子並展開討論。面對這一幕，莫振雄在這夜都禁不住哼番兩嘴：面對當年情、真心說句。。。
哼一哼，即吸引不少網民瘋狂回應！網民留言，節錄如下：
- 男人的浪漫
- 老婆係帶返屋企一齊瞓
- 我以前都係咁、不過部 lift 大 D，打斜入 ok
- LM 睇道德認真 L
- 30 幾年前住公屋都見到對面擺架電單車上 9 樓，唔出奇啊。
- 舊時細個住景林邨，樓上樓下起碼見 4 個哥哥都係咁
- 大驚小怪 以前 D 人已經係咁搬番屋企 怕俾人偷車(呢款大熱偷車型號)
【相關報道】
【相關報道】
Source：facebook@openCar, facebook@馬路的事討論區